انا جامعي وابي اعرف اذا دخلت امن الطرق برتبة جندي هل شهادة الجامعه بتحسب لي

نقاط بعدين يعني كاني متخرج من الدراسه بعد الوظيفه ولا اذا جات ترقيات ورفعت

بمؤهلاتي يعطوني عليها رقيب افيدوني لو تكرمتم

يرفع ارجو الرد من هل المعرفه

ابي اعرف وضع الشهاده هل رح تعطيني بس نقاط للمفاضله على جندي اول

او بفاضل على رقيب تكفون افيدوني

أتوقع ان باقي لك سنة وتخلص بكالوريوس لو كان كذا
فانت مجنون اذا دخلت رتبة جندي لانك حتى لو ما طوفت الا شهور بتجلس 11 سنة عشان تعلق رتبة رقيب
وبعدين حتى رقيب ما يرضى فيها الجامعي لانه يستحق ضابط ملازم
شوفني لي اكثر من سنتين وانا رقيب ومقدم على مرتبة السابعة لو انقبل اسحب

بوني يعطيك العافيه كفيت ووفيت

سيرجانت انا متخرج من ثلاث سنوات لكن انحديت
الله يعينا وياكم

اسمع انا عسكري و رتبتي جندي أول قسم بالله ثم قسم بالله انك لو تدخل جندي أو جندي أول أو عريف ومعك شهادة جامعية ان تبكي دم من القهر يا أخي العسكريه و صخه كل رتبة تدق إلي تحتها

عمري الآن 29 سنه دخلت جامعه و فصلت دخلت كليه فصلت لين ضاع عمري و ثم دخلت قبل سنتين العسكريه على رتبة جندي أول تدري متى تحسفت على دراستي الي ما كملتها بعد ما تخرجت من الدورة
يجيك ورع صغير عمره ما تعدا 22 سنه و شنبه ماخط و الا خكري توه متخرج من التقنيه ومعلق وكيل رقيب و يامر عليك ليه سويت كذا و ليه ما سويت و يوقفك ( يحجزك ) و يمرمط فيك
و الا ضابط توه متخرج من الجامعه و على طول على الدوره و يتخرج و عمره ما تعدى 25 سنه و معلق نجمه او نجمتين اقسم بالله أطالع فيهم و اموت حسره و قهر كنت بأكون مثلهم لكن ويش نقول

هذا وأنا ما كملت جامعه كيف لو معي جامعه و أدخل جندي !!! قسم بالله انت مريض تدخل جندي جعلني أموت جوع و لا أدخل عسكريه على رتبة جندي و معي جامعه
العسكريه و صخه وصخه ما تعرف وصاختها الا اذا دخلتها الي مرتاحين عنهم من رتبة رقيب و فوق او رقيب اول اما الجندي و الجندي اول الله يعينهم على بعض الرتب النفسيه قسم بالله و انا اكتب لك هالحين و انا الآن مستلم خفاره و مقهور و الله مغبون ورعان كبر ثاني او ثالث اخو اصغر منك و يتأمرون عليك