سلام شباب
موعدي 16-10

اللبس لازم الالوان الي ذكرو
ولا ككيف

السلام عليكم .. أول شيء مبروك لكل المقبولين مبدئياً وانا منهم أبشركم الحمدلله بكلية نايف

بس عندي كذا سؤال وش اجراءات القبول المبدئي وقت الموعد يعني فحص نظر وطول ووزن وبعدها المقابله او كل شيء بنفس الموعد فحص طبي وإلخ .. ثاني شيء اوراقي كلها كامله ماعدا تصديق شهادة الثانوية عشان الاجازة ماقدرت اصدقها هل فيها مشكله وماعندي شهادة حسن وسلوك لانها مدموجه بالشهادة ! وهل الوزن يدققون عليه لان وزني 110 وطولي 172 والاسنان يدققون ولا يمشون ؟ عندي اثنين اماميه مسوسة ههههههههههه الي راح وسوا مقابله بالله يعلمنا عشان مانجيب العيد موعدي الاحد ان شاءالله .

بسم الله الرحمن الرحيم

اهداء لجميع الزملاء الي عندهم موعد في مدينه الطائف
اول شي تحضر مثل ما هو موعدك تلبس اللبس الرياضي الي حددوه مسبقا
لا يكون شعرك طويل تدخلون على اللجنه وماشاء الله عددهم اكثر من 20 موظف يعني الامور سلسه واخلاقهم عاليه تجلس قدام الموظف يشوف بياناتك من واقع بطاقتك يعطونك ورقه تعبيها وتدبس الصورة الشخصية عليها وتروح لموظف ياخذ بصماتك العشرة اصابيع لليدين ويرسلونها رسمي للأدله الجنائية ويشوفن عليك سوابق او لا بعدها تروح لموظف ينادي عليك بلآسم حسب الحروف الابجديه وتجلس قدامه
ويطبق المستندات الي بالملف البلاستيكي الشفاف اللون اصفر ما يكلمك عن اي نقص بس يكتبها في استمارة عنده وتراها ماهي في مصلحتك حاول تجيب كل الطلبات مثل ماهو مكتوب في الموقع وزد عليها صورة بطاقة الوالد وصورة من دفتر العائلة وصورة من حفيظه جدك ان هي موجوده
بعدين تروح لموظف يقيس وزن وطول ونظر سريع سريع مافي تدقيق متساهلين مره الا الي وزنه شوي زايد يعني من 90 وفوق تراه في مرمى مدفعية الرفض تروح لدكتور النفسية مصري يسئلك كم سؤال يشوف اجوبتك وما تاخذ الا دقيقتين
بعدها تروح للمقابله الشخصية ظابط محترم جدا لابس ثوب وبالمناسبة كلهم لا بسين ثياب
يسئلك كم سؤال في المعلومات العامه وماهو مهم تجاوب صح تجاوب خطاء اهم شي يبي يسمع صوتك ومخارج الحروف لا تكون اللتغ والشين سين
ويشوف شخصيتك مظطرب مهزوز تخاف تستحي ومثل ها الكلام وثقافتك العامه كم من عشره
يكتب هو في استمارة قدامه والله اعلم ايش يكتب
بعدها يقلك روح للقسم الي جنبي تروح يعطونك ملف اصفر و3 اوراق 2 منها مختومه بظرف ابيض واحد موجه لادارة التعليم والاخر للأحوال المدنية وورقه اثبات ان جدك سعودي تحتاج ختم الشيخ وشاهدين ويعطيك موعدين في ورقة صغيرة الاول موعد الكشف الطبي والثاني موعد تسلم الاوراق وتختيم الملف الاصفر من العمده او الشيخ
تروح حسب الموعد لمستشفى قوى الامن وهنا يبداء الجد قياس طول ووزن اكترونيا وزنك طولك ماهو مناسب ما يخلونك تكمل اجراء الكشف وزنك وطولك مناسب تكمل الكشف الطبي جراحه انف واذن عظام اسنان الدفرنس يعني من تحت
اليوم الثاني يقلك جيب اشعه صدر وظهر من مستشفى خاص جهازهم عطلان تروح اليوم الثاني تسلم الاشعه وياخذون منك دم وبول فحص السموم للبول وفحص الامراض الوراثيه للدم
هذا واي استفسار يسعدني خدمتكم
والله يوفقكم

وهذا جدول الطول والوزن العسكري الادنى ثم الاعلى

53 كحم 168 سم 88كجم
54كجم 169سم 89كجم
55كجم 170سم 90كجم
56كجم 171سم 91كجم
57كجم 172سم 92كجم
58كجم 173سم 93كجم
59كجم 174سم 94كجم
60كجم 175سم 95كجم
61كجم 176سم 96كجم
62كجم 177سم 97كجم
63كجم 178سم 98كجم
64كجم 179سم 99كجم
65كجم 180سم 100كجم

الله يسهلها ان شاءالله