السلام عليكم
يا اخوان انا متخرج في شهر 1437/12
وقدمت على جدارة وتم تدقيق بياناتي والتاكد منها
ويوم فتح التقديم على الوظايف وقدمت وصار فيه اختبار القدره المعرفية ( تقييم 1 ) لم اختبره ورفض التقديم
وطبعا مثل ما انتم عارفين الاختبار مره في السنه في شهر 3
واتصلت على قياس قلت ان الاختبار راح علي ولا جاني علم ولا شي
قالو الاختبار هذا لازم الخدمه المدنيه ترشح اسمك لنا بعدين نختبرك
وانا كنت مقدم عليهم واوراقي كلها تمام كيف ما رشحو اسمي ؟
يعني راح علي الاختبار واساسا الخدمه المدنيه ما رشحت اسمي ل قياس عشان اختبر
ياليت من الاخوان الي سبق لهم الاختبار وترشيح اساميهم ابلاغي بالطريقه ؟
اسف على الاطالة واتمنى منك الرد على أستفساري
يعني للاسف راح علي التقديم هالسنه
مستغرب انا الاختبار هذا مهم ولا فيه الا مره في السنه ؟؟ المفروض يكون محوسب في اي وقت نختبر لكن الحمد لله على كل حال

ماادري وش الطريقة بس الظاهر لازم انت تقدم

ادخل على موقع قياس وشوف موعد الاختبار الجاي والله يعوض عليك التقديم هالفتره
لكن ترى بشهر 12 فيه تقديم ثاني للوظايف الاداريه لكن اهم شي هالايام تختبر تقييم 1
اما بالنسبه لكلامهم عن ترشيح اسمك اتركهم كذابين
دامك بتدفع رسوم الاختبار اتوقع 200 ريال راح يختبرونك غصب وهذا من حقك بعد
والاختبار مافيه رسوب ونجاح بس الهدف منه مقياس لوضعك وتدخل نقاطه مع المعدل والاقدميه عشان تتوظف

اختبار القدرة المعرفية العامة تم استحداثه عام 1436 عن طريق قياس .. مع الاسف يقام مرة وحدة في السنة بدون رسوم

بالنسبة للترشيح ما احد يقدر يسجل في الاختبار الا لما يكون مسجل في جدارة واتنهى توثيق بياناته

يعني نفرض ان واحد ما سجل في جدارة وفتح تسجيل الاختبار ودخل موقع قياس برقمه ما يظهر له الاختبار

وعليكم السلام ورحمة الله وبركاته ..؛؛

افتح ملف فجدارة وراقب قياس باستمرار راح يعلنوا عن موعد اختبار القدرة المعرفية ؛ طبعاً اول اختبار لك مجاني بعد كذا اذا بتحسن الدرجة تدفع اتوقع ظ¢ظ*ظ* ؛ انا اختبرت هذه السنه وتعبت حتى حصلت مقعد بالرغم اني موجود ع موقعهم من اول يوم فتح التقديم وجربت كل المناطق مافي مكان والحمدلله اخر شيء ربي يسرها وحصلت فمدينتي كرسي واختبرت ؛؛ ربنا ييسر للجميع ويرزقنا

وين مجاني الله يرضى عليكم !!
انا مختبره العام الماضي والله اني رامي عليهم 200 ريال اجباري
وانا لاول مره اختبره للعلم يعني

المشكله ان الاختبار مره في السنه
يعني حتى تقديم الوظايف الي في شهر 12 بيروح علي
والله مشكلة اختبار مهم زي هذا المفروض اقل شي يبلغونا عنه مهب يخلونا على عماها
او يكون الاختبار اكثر من مره في السنه
لكن مانقول الا الحمد لله ولعلها خيره

نعم اختبار تقييم1 ب 200 ريال مافي شي بلاش المركز القياس هذا مصدر دخلهم فلوس الطلاب والخريجين

تقييم 1 بلا رسوم لمدة عامين

http://www.alekhbariya.net/ar/node/299