صباح الخير
اتمنى كل الي يدخل يرد علي موتناظرون وتسحبون (:
المهم شفت اعلان وحده تطلب شريكه لمشروع والمبلغ بسيط الف وشوي
طبعا ماعرفها وتقول تواصلنا واتس وانا مجرد شريكه بلمال
كيف اثق غير الايصال حق الدفع ابي رايكم حتى لو المبلغ قليل الثقه والامانه
مطلوبه

ايصال الدفع
المحادثة
رقمها, عنوانها , اسمها
لكن دامك ماتعرفينها شخصيا لازم تعرفين وتضمنين وش مشروعها ووش بتسوي بالفلوس وكيف مصداقيتها
قلب المؤمن دليله

وبشكل عام مافي شي موثوق ومضمون ممكن تسوين الاتفاق وتاخذين كل الضمانات وتغشك وممكن تعطينها الفلوس وتنسينها لكن هي تحفظ حقك
الثقة بحد ذاتها احيانا تكون حافز للشخص انه يجتهد وينجح حتى يرجع حق الناس اللي وثقوا فيه وقدروه

يعني بالنسبة لها لو بتسألينها وش اللي قيمته عاليه عندك انك تعطينها الفلوس او انك تثقين فيها بتقولك ثقتك فيني

محادثات واتساب + وصل لايضمن حقك ولايحميك نهائيا ..
وفي شركات وساطة مضمونه ولكن ياخذون مبلغ تقريبا اقل شي 250 ريال
اذا هي من نفس المدينه قابليها ويفضل يكون اخوك معك لان ممكن يطلع رجال ..

إبرام عقود (ضمان لحقوقك)

تحويل وما تحويل هذا حقك ضاع

__________________
سبحان الله وبحمده

هذا اول خطأ في طريق الاستثمار وهذا يدل على انك ما تفهيم في التجارة ولا حاجة يعني صفر
( اعذريني على صراحتي معك )
لكن والله ابيك انت و اي وحده او واحد يتنبهون للنقطه اللي راح اتكلم عنها في سياق الموضوع

....

انت خايفة على مبلغ الف ريال وشوي اللي بتسثمرينه ... وهنا المشكلة و اسميها انا المصيبة الكبرى ..!

ليش ..؟

لأنك خفتي على الـ 1000 ريال ولا خفتي على الارباح اللي ممكن تطلعها التاجرة من الالف

يعني لو هي التاجرة شغلت الـ 1000 ريال اللي تخصك انت ... وبعد 6 شهور مثلا صار الربح نقول تقريبا 7 الاف ريال + 1000 اللي تخصك = 8000 ريال المجموع

من هذي النقطة لازم ( تضمنين حقك اول شي في الشراكة ثم في الارباح )

يعني اذا ما فيه ( عقد بينكم ) ماراح تشوفين الارباح والله اعلم .... الا اذا كانت التاجرة معروفة من اشخاص تعرفينهم انت شخصيا ومشهود لها بالامانة

الحذر واجب

اي شراكه بدون عقد حتى يظمن كل طرف حقه سوا مع القريب او البعيد تعتبر كأن الشخص يرمي امواله بالهواء ..
ولكن الشاركه قل مالها او كثر لابد من عقد يوضح فيه كيفية الشراكه ومتى يتم فضها وهذا في حال اخل احد الشركاء بالعقد
لذلك العقد شريعة المتعاقدين هناك مكاتب محاماه ياكثرها ولديهم الدرايه الكافيه في صياغة عقود الشراكه وضمان الحقوق الشركاء
اي مكتب محاماه ممكن يقوم بصياغة عقد الشراكه بمبلغ زهيد في حدود 500 الى 1000 ريال بالكثيروبكذا الواحد يضمن حقه في الشراكه
وموثق في مكتب محامي معتمد لااحد يستطيع من الشركاء الطعن فيه ويعد مستند وعقد رسمي عند الجهات الرسميه في حال التقاضي بين الشركاء ..

رايت اعلان تاجره تبغى شريكه ب1500 ولاتحلل اللي تاخذ التفاصيل وماتشاركها

اذا هذا الاعلان منتشر بالواتس فهاذي نصبه جديدة كم شركه بتربح منها هالمبلغ لانو قليل وبتلاقي كثيييييييييير يشارك دون تردد

ولو استغفلت 70 وحده 70*1500 = 105000 ييييييييييييييييياويلي مبلغ خيال والقانون لايحمي المغفلين

قرأت عن اللي نصبت ع شركات سيارات وسرقت 8 مليون وسافرت وودعتهم الان هالنصبه توازيها صح

ولاخوف من نار ولارب النار الله يوقعهم بشر اعمالهم