استديو متنقل

الإدارية نوري · #1 (**permalink**) 11-04-2017, 04:47 AM

السلام عليكم

انا عندى فكرة مشروع استديو متنقل او كشك التصوير او الفوتوبوث
نفس الفكرة عاجبتني لان احب التصوير و الكل يشهد بتصويري انه حلو
ولكن فكرة مشروعي
تكون في شاشة لمس يختار الشخص الخلفية اللى يبغاها و بعدين ينقر على زر التصوير
و تنطبع الصورة فورية بدون تدخل منى انا كمسؤولة عن الفوتوبوث
طبعا تكون شاشة اللمس مربوطة بكاميرا احترافية و طابعة
هذه الفكرة شفتها في كذا مدينة ماعاد المدينة اللى انا فيها

دورت على محلات بيع معدات تصوير عشان اشوف كم يحتاج هذا المشروع
لان سويت النموذج التجاري الخاص فيه بس باقي تكاليف المشروع ولكن ماحصلت الفوتوبوث مررة
في شخص حصلته عارض الجهاز للبيع بمبلغ 10000 ريال و طبعا
طالبها كاش و للامانة انا ماعندى هذا المبلغ

تتوقعون لو قدمت على قرض هل ممكن في ريادة او بنك التسليف او الجهات اللى تمول المشاريع
ممكن تمولي المشروع و توفره ليا

افيدوني

المكتشف1 · #2 (**permalink**) 12-04-2017, 08:27 PM

اتوقع المشروع فاشل او ممكن مدخوله يكون ضعيف لأن العرب عامه ما يهتمون بالتصوير وخاصة السعوديين

نفط خام · #3 (**permalink**) 18-04-2017, 05:35 PM

.

أختي بحكم إنك على كلامك مصورة وتصويرك جميل
عندي لك مشروع وبإذن الله بينفعك

أنصحك تشتغلين على تصوير المنتجات لعرضها في المواقع الالكترونية
الآن التجارة الإلكترونية كاسحة السوق وبقووة لكن أغلب المتاجر تصويرهم رديء وبكاميرات الجوال

فالمستقبل القريب راح نشوف أشخاص يصورون منتجات و يضبطونها فوتو
أنتي لو تشتغلين على كذا وتكلمين المتاجر وتقولين أصور منتجاتكم بأسعار حلوة ومناسبة لهم , بيتعاقدون معك على طول
لأن الصور الحلوة تخلي الزبون يشتري , و شيء طبيعي أنا كصاحب متجر أبي متجري يكون جميل الصور فيه

ميزة هالمشروع تشتغلين وأنتي في البيت
يعني أي متجر يبيك تصورين له , بس يرسل عليك المنتجات و تصورينها وهكذا

am00ri · #4 (**permalink**) 25-04-2017, 05:04 PM

الله يوفقك

البتول الحربي · #5 (**permalink**) 25-04-2017, 09:59 PM

جميل بس اختي ياليت تعطينا فكره مفصله عن مشروعك لان في شخص عرض علي فتح استديو قريب من الأحوال المدنيه
علشان يطلبون صوره شخصيه وانا مامعي مبلغ علشان افتح المشروع