السلام عليكم ورحمة الله وبركاته ..
أخباركم عساكم بخير كلكم
عندي استفسار بسيط عن مستشفى قوى الامن فحص النظر لاني قدمت على الامن العام والحمدلله عديت مرحلة الطول والوزن والمقابلة الشخصية وقال موعد الكشف تاريخ 25 من الشهر هذا ..
انا مشكلتي عندي ضعف بسيط بالنظر ، قبل كم يوم قسته وقال الدكتور ان النظر الطبيعي اللي يشوف الشي من 12 متر انت تشوفه من ستة امتار ، أبي اعرف يعني هل هذا بيسبب لي عائق كبير في فحص النظر ؟ اللي قد فحص النظر بمستشفى قوى الامن بالرياض ياليت يفيدنا .. يعني يحكي لنا بصورة كاملة ومختصره عن فحص النظر مثلاً يعرض حروف صغيره او كبيره او وسط ، وكم تبعد الشاشه وهل بالعادة يمشون ولا متشددين حتى لو كان ضعف النظر بسيط جداً .. ولكم تحياتي

اخواني السلام عليكم ورحمة الله وبركاته
أسعد الله جميع أوقاتكم بكل خير
أولاً ألف مبروك لك الأخوان اللي جاهم قبول مبدئي وربي ييسر أمورهم ويسهل عليهم ويوفقهم .. ويرزق أخواننا اللي ما انقبلو ويوفقهم ويعوضهم بالأفضل يارب

ثانياً الله يحفظكم انا أحتاج مساعدتكم وابي مشورتكم وربي يجعل ماتقدموه في ميزان حسناتكم ويرزقكم أضعاف ماتتمنو
انا جاتني رساله هذه مفادها :

تم قبولك مبدئيا عليك مراجعة مدينة تدريب مكة البوابة الجنوبية الساعة 6:30ص الثلاثاء 13 / 8 مصطحباً ملف علاقي أخضر ، 6صور شمسية كاشف الراس ،أصل الشهادة وصورة ، القدرات ، أصل الهوية وصورة ، رخصة القيادة ، الحضور بالزي الرياضي وحلاقة الشعر

السؤال الله يجزاكم خير
انا خريج عام ١٤٢٨ وقدمت وغيرت سنة التخرج لأن شهادتي تجاوزت الخمس سنين، فهل بتمشي الأمور او انهم مدققين جداً في سنة التخرج أرجوكم أفيدوني ولكم جزيل الشكر والعرفان علماً بأن عمري لم يتجاوز الثلاثين واسف على الإطاله.

شف اذا نظرك ضعيف على الخفيف بتمشي امورك اذا ضعيف مره بيعطونك مهله تسوي عمليه

انا لي تجربه بأربع مستشفيات لقوى الأمن
مسشفى قوى الأمن بالملز متشدد لبست عدسات و كشفوني
مستوصف قوى الأمن بمدينة التدريب بالرياض الامور سهالات ما يدققون تلبس عدسات تمشي عليهم
مستشفى قوى الامن بعسير ونجران نفس الشي تمشي عليهم العدسات

الورقة تكون خلفك و امامك مرايه بينك وبينها المرايه تقربا من 3 الى 4 امتار يعني تطلع المسافه تقريبا من 6 الى 8 امتار
يبدا معك بالحروف الكبيره الى الوسط الى اقل من الوسط بشوي ( يعني بين الصغيره و الوسط )
ما اقدر افتيك يمشيك او لا انا بدون العدسات اكبر شي ما اقدر اشوفها مرتين كشفني بالعدسات و قال طلعها و نسوي اختبار و ارسب فيه و يعطين مهله من اسبوع الى اسبوعين اسوي عمليه اذا ما راجعتهم خلال هالاسبوعين يرسبونك

فيه اختبار لعمى الألون اذا عندك عمى الوان يرسبونك

و الله يوفقك

السلام عليكم طيب أخوي ممن تفيدني كيف هم متشددين على الطول يعني زم ما يقل عن 168 وبالنسبه للشهاده لازم ماتزيد أكثر من 5سنوات الا يعرف يفيدنا يا أخوان

السلام عليكم يا شباب الا أنقبل في مكه يعلمنا وش صار أنا موعد الاثنين بعد بكره وطولي 166 أو 167 ومتخرج لي 6سنوات الا عرفه كيف الطول متشددين عليه يعني مره
مايمشون لو سانتي أو سانتين ومن الاماسك الطولضابط أم فرد أنا أتذكر رحت لهم وعندهم حديده للطول وماعديت حكت في رأسي بس ما رضي يمشيني يقلي لازم تنزل راسك يعني تجي على جبهتي وردني النقيب وابغاء أعرف السنه هذا يمشون في الطول الا راح لهم الأسبوع الا فات يفيدني ولاهنتوا بس أ راح مدينه تدريب مكه يقلي وش صار معه