السلام عليكم
انا الحمدلله قدمت على ريادة توطين الاتصالات واخذت الدفعه الاولى و اسست المحل

باقي علي البضاعة ومحتار ماعرف كيف اجيب الكميات وتوزيعها ؟ كم اجيب من كل صنف

وهل اجيب البضائع بشكل شهري او سنوي ؟

اتمنى اللي عنده الخبرة يفيدنا

والله يوفقنا وياكم

الله يوفقك يارب

حبيت ادعيلك وارفع الموضوع

يجي من يفيدك


وترى لو تروح محل اتصالات بعيد شوي عن محلك وتساله مايقصر او نفس صندوق رياده يساعدونك

اول شيء وش بتشتغل فيه في الاتصالات ؟
اكسسوارات او بيع جوالات او برمجه وصيانه ؟
اذا اكسسوارات اذا انت بالرياض تلاقي بياعين الجملة في المرسلات الجهة الخلفية او سوق البطحاء عمارة الراجحي
اذا بيع جوالات جديدة هذي تروح للمرسلات وتاخذ ارقام مندوبين الشركات وتتواصل معهم عشان ينزلون لك البضاعة بيع بالآجل او كاش اللي تبيه انت ويمشي معك .. يعني اذا الجوال ينباع بالسوق بـ 2100 ريال تشتريه جملة بـ 1950 ريال وربحك منه يكون 150 ريال ..

واذا بتشتغل بالمستخدم : اذا سعره بالسوق مستخدم بـ 1200 مثلا تشتريه منه بـ 900 ريال وتبيعه بـ 1200 ريال وتربح منه : 300 ريال وكل ما قل سعر الشراء وبعت بسعر السوق انت ربحان ..

واذا بتشتغل في البرمجه يبيلك كمبيوتر واسلاك توصيلات وبرامج اي تونز وبرامج الاندرويد والافضل تتخصص بشيء واحد :
والخدمات في البرمجة : نقل بيانات - سوفت وير - فك ارقام سرية - وغيرها .. وانزل للسوق وبتعرف اكثر من حقين البرمجه .

واذا بالصيانة : تشتغل في تبديل الشاشات المكسورة بجديدة - تصليح سماعة الاذن - تصليح منفذ الشاحن وغيرها ..

والاكسسوارات تشتريها برخيص حيل وتبيعها دبل ..

والافضل انك تنزل للسوق وتستفتسر وتدرسه زين وتكون علاقات مع حقين الجملة والمندوبين ..

والبيع يكون بشكل شهري عشان تحسب قيمة ايجارك الشهرية + بيعك الشهري وربحك الشهري وتسديدك لريادة بالشهر ..
يعني لو عطوك 100.000 ريال لمدة 3 سنوات (36) شهر : يعني يبيلك تطلع 2777 ريال قسط شهري لريادة فقط واذا انت مستأجر مثلا بـ 24000 ريال سنوي يبيلك تطلع 2000 ريال شهري للايجار وهكذا تحسب كل مصروفاتك كلها بالشهر وتقسمها على 30 يوم عمل = دخلك اليومي اللي مفروض انك تدخله عشان ما تخسر -- اذا دخلك اليومي والشهري الفعلي اعلى من دخل مصروفاتك يعني انت ربحان ..

وبين فترة وفتره انزل واشتري بضاعة جديدة اذا مشت معك القديمة .. اما اذا شريت كمية كبيرة للسنة مثلا ً يمكن ما تمشي وتبتلش بها وتبيعها بخسارة بعدين خصوصا ان الاكسسوارت تتغير بين فترة وفترة ..

الافضل انك تنزل للسوق وتدرسه وتعرف المندوبين وتتعرف على اللي قد اشتغلو في هالمجال وتاخذ منهم معلومات جيدة تفيدك في شغلك .

وفقك الله

بالنسبة للاقساط قسم مبلغ التمويل على 60 شهر ويطلع لك القسط الشهر

و التسديد يبدء بعد سنة ونص

والكفيل اهم شي ضروووري جدا

( مره سالت موظف البنك نفس السؤال قال لي الكفيل اهم منك ) )