السلام عليكم ورحمة الله وبركاته
أنا اليوم أختبرت وسويت مقابلة
تخصص هندسة مدنية

في البداية اللي من برا تبوك بيوصل المطار اذا كان جاي طيارة وبيروح مباشرة على مكاتب تأجير السيارات شركة ذيب أو بدجت بيعطو أقل شي 8 ساعات وهذا هو المطلوب (بالنسبة اللي حاب كريم برضه موجود وأهل تبوك ما يقصروا)

اما بالنسبة للي جاي بر يكتب في قوقل المطار وأول ما يوصل يخلي المطار على يساره ويحصل المدينة بوابة 2 على يمينه

وقفنا سياراتنا برا المدينة محاذاة السور ودخلنا على ساحة مواقف ننتظر تحت الشمس طبعا اللي مقابلته الساعة 8 بيكون محظوظ لأنه بياخذ فيتامين د الين يشبع أو تستنى في سيارتك الين 7:30 وتنزل الساحة.

بعد كذا جا عسكري ومعاه ورقة اسامي وجا باص اللي يقول اسمه العسكري يطلع الباص (اللي موعدهم الساعة 10 نصيحة يجي 9:30 لا يجي بدري من 8)

الباص ياخذ اللي موجودة اسمائهم (أكيد كل اللي موعدهم الساعة 8) ويوديهم على المسرح (القاعة يسموها) ويوزعو ورق الإختبار مدته 45 دقيقة. بعدها يسحبو الورق ويصححوه 4 مهندسين على المسرح والمتقدمين ينتظرو النتيجة. اللي يرسب يقولوله في باص يستناك وبعدين نرسلك رسالة يعني طردة لكن بإحترام. أما اللي نجح بينادو اسماءهم كل دفعة 20 واحد تقريبا ويسولهم مقابلات . بيجلسو الين الساعة 3:30 أو 4 اذا العدد كثير وكل ما قل عدد الناجحين قل الوقت. نحن كنا حوالي 270 متقدم.

المقابلات: بيسألك عرف عن نفسك وقول دوراتك ولو في خبرة قولها . حاول ما تتأتئ أو تقول آآآآآآ كثير ، خلي كلامك سريع وواضح ومتناسق مافي مشكلة اتدرب قبل ما تدخل. طبعا كل واحد على لابتوب وبياكل حلى ويشرب قهوة وانت تهرج وترا في كاميرا قدام وجهك عشان يراجعو حركاتك بعدين فا انتبه لا ترتبك واتدرب على هالشي. بعدها بيقولولك اسبوعين وبنرسلك رسالة

الله يوفقكم جميعا وسامحونا على الإطالة
ولو في أي أسئلة أخرى أنا حاضر

شكرا جزيلا لكل اللي قرأ الى النهاية أبغا أبوسك في جبهتك

انا سويت مقابلة مدخل بيانات ماكان فيها اختبار عملي
اختبار تحريري من 50 سؤال 35 سؤال عن التخصص و15 سؤال ثقافة عامه ومسائل حسابيه ، صراحه اختبار صعب شوي كان كله عن الكمبيوتر واختصاراته وهذا ايش وظيفته والشكل هذا ايش يعني ، وبعدها يصححوا الأوراق أمامك واللي يندهوا ع اسمه ويقولوا اتجه الباص وراح تجيك رساله المقابله مثل ما قال الأخ معناته طرد باحترام اما المقبول ع طول ع المقابله الشخصيه .
واخيراً اسأل الله بمنّه وكرمه ان يوفقنا واياكم لما يحب ويرضى ويكتب لنا ماهو خيرٌ لنا وان يرزقنا من واسع فضله

سبحان الله والحمد لله ولا اله الا الله والله اكبر

يا أخ سهيل أنا أختبرت هندسة مدنية و أعتقد العدد لا يتجاوز 170 لان عدد الصفوف 8 تقريبا و كل صف فيه 21 ولاكن كم عدد من اجتاز الاختبار أتوقع 60-70 و و النتائج بعد أسبوعين ماهي الرسالة هل هي قبول نهائي لأني بعد ماعملت المقابلة قال نفس الكلام و
أمداني أكلمه

شباب احد مقدم ع فني اتصالات وجته رساله ...?

شباب سؤال

يطلبون المؤهلات ويدققون او يكتفون ببطاقة الاحوال وكرت المراجعه ؟