السلام عليكم ورحمة الله وبركاته
اسعد الله أوقاتكم بكل خير

الحمد لله انتهيت من تاسيس مطعمي ويبدا باذن الله في استخراج الرخصه اليومين القادمة الموضوع اللي ابي رايكم فيه طبعا انا مستاجر فتحتين ب 85 بالسنه والموقع ممتاز جدا جدا وتوقفت فيه ولله الحمد وسبق وكلمت صاحب الحلال اني ارغب فيما بعد باستئجار الدور الثاني عوايل تجاوب معي ولكن تفاجأت قبل يومين انه معطيني سعر ايجار خيالي ماتوقعت صراحه أعطاني فتحتين مطابقه لمطعم الإفراد تحت بإيجار 20 الف سنوي اي بمعدل 10 الأف لكل فتحه مع العلم ان إيجارها 30 الف بصراحه تحمست وقلت فرصه افتح عوايل وأبدا قوي من البدايه مدري وش رايكم ابي تعلقون ع موضوعي بنقطتين .

الاول / تنصحوني اتوكل ع الله وأخذها وبدل مايكون أفراد يصبح عوايل وأفراد ،

ثانيا / لو اشرتوني اني اخذها عوايل أيهما افضل دور علوي او دور جانبي ارضي

ما املك الخبره بالتجاره
لكن الخيره كزبون اغلب المطاعم اللي ادخلها هي افراد فقط
وافضل لك تبدا حبه حبه.
اذكر حضرت محاضرة عن بداية المشاريع يقدمها عبدالله الراجحي
اكثر شي حرص عليه انك ماتدخل بكل اللي عندك، على سبيل المثال معك 120 الف ريال استثمر 90 وخل الباقي للازمات

الله يوفقك ويرزقك

انا اقول لاتتهور ولا تستعجل اول اضبط الشغلة مع الافراد
وافتح قسم العوايل فيما بعد بشكل قوي

شف اخوي اذا امكانياتك طيبه وعندك مبلغ احتياطي حق الانقاذ والازمات ومعك مبلغ بحيث انك تستاجر وتزبط جلسات عوايل ولا تنسى عندك اغراض المطبخ وعندك لازم تضيف كم عامل والشي الثاني اذا تقدر تدفع للدعايه والاعلان مبلغ وقدره حق دعايه واعلان لمده سنه وعندك مبلغ تقدر تسخدمه للمشروع ققط من تعديلات ورواتب عماله والمقاضي خلال 6 شهور بدون ما تقرب دخل المحل

هنا اقولك بالخط العريض رح استاجر وتوكل على الله ولازم تحط قدام عينك لا تصرف من دخل المحل لفتره 6 شهور اصرف من المبلغ الاحتياطي

الله يوفقك ويرزقك والله يدلك على درب الخير

بالنسبه انه يكون قسم العوايل ارضي ولا علوي

شف لو كانت علوي راح تكون حلوه كمنظر بشرط تركب تضليل بحيث الخارج ما يشوف الداخل والي بالداخل يشوف الشارع لو كانت الواجه قزاز

واذا كان عكس ذالك الواجه بلك رح خذلك ارضي وبلاش تضليل

خذ علوي واحرص على النظافة

الدور الأرضي غالبا معرض لإنتشار الحشرات

واحرص على نظافة دورات المياه المخصصه للعوائل " الأطفال والنساء " اوجد طريقه يكون التنظيم مستمر بعد كل دخول لدورة المياه افصل المغسلة المخصصة للعوائل النساء والأطفال عن دورات المياه في المدخل والمخرج

وفقك الله