يا اخوان في اختبار مع المقابلة ؟؟؟

السلام عليكم ورحمة الله وبركاته

بعد الترشيح من الخدمة المدنية توجهت بالخطاب الى جهة التوظيف وكان فيه خيارين بالخطاب اجتازالمقابله او لم يجتازها

طبعا رحت لشؤون الموظفين في الجهة اللي بتوظف فيها وسلمت لهم الخطاب واجتمعت فيني مع رئيس القسم وكم دكتور

طبيعة المقابله عامه ومتخصصه .

عرف عن نفسك
ماذا بتضيف لجهة العمل
وش تخصصك
وش اشتغلت سابقا
وش مشاريعك
بعدين سالوني اسالة في البرمجه بحكم تخصصي


يعني يا شباب طبيعة المقابله تعتمد عالجهة اللي انت بتتوظف فيها وعلى تخصصك
فيه ناس دخلو قبلي للمقابله بس تخصصاتهم ادارية سالوهم اساله عامه فقط وما تطرقو للتخصص

بعد المرحلة ذي هم يكتبون اجتاز او لم يجتاز المقابله ويرسلون النتيجه للخدمه المدنيه بالفاكس
تراجع الخدمه المدنية الفرع اللي اعطاك الخطاب وتسالهم جت نتيجة المقابله او لا

هذا كل اللي صار معي بالتفصيل واتمنى التوفيق للجميع باذن الله

الله يسعدك يا غالي بغيت اسألك سؤالين

الاول : ماهي جهة العمل اللي توجهة اليهم ؟
الثاني : ماهو مستوى الاسأله التخصصية اللي سألوك اياها ؟ سهلة او صعبة ؟

انا عن نفسي رحت للجهه الي بالتوظف فيها رحت للامين العام وقع عليها وبعدها لصادر وبعدها لشؤوون الموضفين

وقع عليها وختمه وسألته متى المقابله قال هاذي المقابله بس سألني سؤال واحد هل عندك استعداد الاستقرار بالمدينه الي بالتوظف فيها

وبعدين حط الخطاب بظرف وختمه وقال عطه للخدمه المدنيه واليوم الصباح بوديه لهم

ان شاء الله بس مقابلة بدون اختبار
والله الاختبارات هذي مشكله

حسب المذكور في جدولة الخدمة المدنية ان المرتبة السادسة فما فوق للجامعيين فيها مقابلة واختبار اعتقد
اما المرتبة الخامسة فما دون لحملة الدبلوم بعد الثانوية ودبلوم بعد الكفاءة المتوسطة بدون اختبار وغير مذكور ان فيها مقابلة.
لكن انا مرشح للمرتبة الخامسة دبلوم بعد الثانوية قال لي في مقابلة وراح تجيك رسالة نصية في معاملة علشان تتواصل مع جهة التوظيف برقم المعاملة علشان تحدد موعد للمقابلة الشخصية.

والأمس وصلتني رسالة برقم المعاملة ولكن لازم انتظر يومين عمل علشان يوصل البريد ويتسجل في الوارد والصادر < هذا كلام مسؤولين وزارة الخدمة المدنية
وفعلاً تواصلت مع جهة الترشيح لسى مافيه اي شيء في سجلاتهم، انتظر للأحد او الاثنين واتواصل معاهم

دعواتكم بس يا أخوان، والله يوفقنا ويوفقكم أجمعين