شباب هل اللي نجح في المقابلة ونجح في الكشف الطبي وخلص اجراءاته في الخدمة المدنية واخذ رقم الصادر للمعاملة حقته والمعاملة ارسلت للجهه اللي بيتوظف فيها خلاص يطمن "يضمن انه توظف" حتى لو تأخرت الجهه في ارسال خطاب التعيين ؟

السلام عليكم ورحمة الله

تحية طيبة للجميع .. اليوم وصلتني رسالة sms من امانة الرياض انه تم استلام معاملتك برقم كذا من وزارة الخدمة المدنية رحت دقيت عليهم وردوا على ذي المرة بسرعة وقالي الموظف اوراقك وصلت وارسلناها لشؤون الموظفين وهم بيتواصلوا معك قلت له متى قالي كمان اسبوع وبعد اخذ وعطى قالي في الاخير بعد العيد وانت طيب تباشر عملك

الحمد لله حمدا كثيرا وعقبال الجميع

انا بعد جتني رسالة برقم المعاملة بس اش الخطوة الي بعدها

انا خلصت الاوراق اليوم عند الخدمة قال نرسل بالبريد
الى العاصمة لأني متعين بمحافظة لازم ترجع للعاصمة الدمام تخلص من عندهم ورقة المباشرة توقع عليها من عندهم وهم عاد يخيرونك نرسلها بالبريد او تاخذها مناولة إلى الجهة المتعين بها والله يوفق الجميع. ..
ويبي لهم اسبوع البريد المفروض يصير التعامل بالفاكس اسرع لانك تتعامل مع جهة رسمية لكن كل تاخيرة خيرة

اذا ابغا اسجل خبرة سنة بالتأمينات كيف الطريقة ؟ ومتى بعد المباشرة او قبل ؟

شباب لو سمحتو عندي سؤال واحد من جماعتنا دقو عليه جهة عمله واشعروه بالمباشره ولكن قالولها بنعطيك خطاب للاحوال لاجل تعديل المهنه المهم الرجل يقول هل تعديل المهنه من الاحوال يكون من جهة الحفظ يعني جهة حفظ بطاقة الاحوال الي استخرجها منهم ولا عادي من نفس ديرة العمل وتخلص امورة اتمنى السؤال يكون واضح

السلام عليكم ورحمة الله وبركاته

تقبل الله أعمالكم، وأسعد الله صباحكم بكل خير

أرجو من الإخوة المرشحين على وظائف وزارة التجاره المساعدة، حيث أني قدمت التقرير الطبي ومسوغات التعيين لديوان الخدمة بمدينة جده بتاريخ 22/8/1438ه وتم تسليم خطاب التوجيه لقسم الصادر وابلغني الموظف انهم راح يرسلونها لوزارة التجاره في الرياض.

لكن لغاية اليوم لم يصلني اي اتصال من وزارة التجارة، وكل ما احاول اتصل على رقم الوزارة في الرياض وادخل التحويلة يفصل الخط على طول.

ارجوا من الإخوة الذين ترشحوا على وزارة التجارة المساعدة وهل تم الاتصال بهم للمباشرة واذا فيه ارقام مباشرة لشئون الموظفين التكرم بطرحها هنا لنستطيع التواصل مع الوزارة.

تقبلوا تحياتي،،