السلام عليكم
اتمنى الإفادة منكم والله انها ضايقه بي الدنيا تخصصي احياء نبات وتقديري مقبول
تعبت وانا ادور وظيفه ابي اعرف مصيرنا بوظائف التعليم نتوظف ولالا ومتى نتوظف انا ناجح بالاختبار القدرات بالعام وساقط بالخاص واللي مخليني منفس ان وظائف العسكرية ماتقبلني لسسب الطول والدبلوم التربوي مايقبلنا وش نسوي وش مصيرنا

جزاك الله خير

جزاك الله خير....

يقولون : المقبول غير مقبول !
لدي أخ تخرج من أربع سنين بتقدير مقبول بتخصص الشريعة ..
من جهة الوظائف الحكومية لا أمل .. واتجه للقطاع الخاص ..
الحل الوحيد تكملة الماستر .. وتقدم بالماستر بتقديره ..
فيكون الماستر مكان الجامعية ويلغيها ..

والمشكلة الأصعب أنه أغلب الدراسات العليا ما يقبلوا إلا جيد جداً أو جيد مرتفع ..
ما لك إلا جامعة خاصة وتدفع المبلغ الفلاني ..
أو الواسطة القوية التي تجعل المقعد يمشي والماشي يطير ..

والله مسجل دخولي علشان ارد عليك

انا كنت مثلك معدلي زفت 2.16 من 5

وتخصصي لغه عربيه

وعندي مشكله في قدمي تمنعني من دخول العسكريه

وجلست بالمدارس الاهليه 5 سنوات من المعاناه

بس شديت حيلي باختبار الكفايات ورفعت نقاطي والحمد لله تعينت

لا تيأس انت وشد حيلك بالكفايات

انا تجرتي اسوأ منك لان تخصصي لغه عربيه والتكدس فيه اكثر من تخصصك ومع ذلك قدرت اتعين رغم نزول معدلي

بالعكس كثيرر معدلاتهم مقبول وتعينو

روح شوف الترشيح الاخير للخدمه المدنية للوظايف الادارية
ناس كثيرر تعينو مقبول

عشان اريحك

اذا معدلك ناقص تحتاج شغلتين

1 اقدمية تخرج
2 اختبار قياس

وصدقني تتعين وانت تضحك

الاخ كابرس:
التقديم ع الوظايف التعليمه بشهاده الجامعه حتى لو كان معك ماستر

حتى لو تقديرك مقبول تقدر ترفع نقاطك بقياس وكل سنه تجلس بالبيت تحسب لك نقاط اقدميه ..
لكن المشكله لازم يكون عندك تربوي

اصبر ماتدري وش مكتوب لك ..

حاول تبحث وتركز ع القطاع الخاص والاختبار حضر له واختبر وانجح ماتري يمكن نجاحك فيه باب لك للوظيفة