سلام عليكم يا شباب ابي استشيركم بشىء انا من الحدود الشماليه وعمري 17 سنه اخر سنه بالثنوي ان شاء الله شهر وانا متخرج ومحتار اكمل جامعه او كليه ولا اتوظف نسبتي تراكمي يوم ثاني ثنوي 91 والقدرات 70 والطول 183 والوزن 92 والتحصيلي انشاء الشهر هذا اختبره وعلمن اذا ابي اكمل محد مساعد يعني نفسك بنفسك ولا معي سياره وحتى مابمخباي العود
وانا ماداني احد يتصدق على او شىء ولا اخذ من احد اهم شىء كرمتي عزيزه يعني لو ادقر بالجامعه محد درا عني
لا خوال ولا عمام وحتى لا ام ولا ابو ولا اخت ولا اخو انفسك بنفسك وادي ادخل سلاح حدود بري لانه قريب مني الحدود وراتب حول 10000 ومتعود على البر وكنت اصرح بالغنم ابو وري الغنم وقعد نوبات اسبوع ولا شفت الديره وعادي عندي وش تستشروني جل انشاء الله في ميزان حسناتكم

اذا انت حالتك الماديه صعبه وعلى قولتك ماعندك سياره وعمرك لسا صغير ماشالله العمر كله بطاعة الرحمن فانصحك تشتغل وممكن سنه او سنتين لحد ماتضبط وضعك وترجع تكمل جامعه ربي يوفقك

جزاك الله خيرشواقه الحربي نستقبل اراء الاخواه الكرام

ليه ما تفكر بالابتعاث ؟ سواء برنامج بعثتك وظيفتك أو برنامج خادم الحرمين!
منها تستفيد لغة ودراسه بالإضافة لمكافأة .. حرام صراحه أشوفك مستواك التعليمي ممتاز لازم تكمل لا تستسلم
لازم وضعك الحالي يكون دافع لك للمواصلة والاستمرار وبكره هذا كله بيكون من الماضي

قدم ع العسكريه دامها قريبه منك واستخير الله والله يسر امرك

الكل راح يعطيك رأيه بما كتبت عن وضعك ...

رأيي انك انت ابخص بنفسك ...ادخل العسكرية + كمل الجامعة انتساب !!

اثنين في واحد

وطور من نفسك حتى لو قبلت عسكري تعلم اللغة الانجليزية دام وقتك فاضي

بهالطريقة راح تحصل على الثنتين ولا انت خسران شيء


لو تخرجبت وانت موظف يبيكون عندك خيارين
اما تقدم شهادتك الجامعية الانتساب للترقية بالعسكرية أو تفصل تشوف لك وظيفه غيرها مدنية او قطاع خاص


من وجهت نظري هذا احسن حل ^


الله يوفقك الجميع

عليك بالعسكرية يالبناخي توكل على الله

اذا بغيت نصيحه كمل الجامعة افضل لك وتقدر تشتغل معها قطاع خاص اي شغله موظف استقبال شقق مفروشة أو حارس امن واضغط على نفسك الين تتخرج وبإذن الله تتوظف معلم او اي وظيفة ادارية ، او مثلا ًبالعطلة خذ لك شهادة حاسب الي 3 أشهر او6 أشهر ادخال بيانات ومعالجة نصوص وقدم على الوظائف الإدارية مثلا كاتب في دوان المظالم او وزارة العدل آي وظيفة حكومية وحط شهادة الحاسب مع الثانوي وإذا جاتك وظيفة حكومية تكون ما خسرت شيء اسأل الله لك التوفيق بما فيه الخير لك

خالد الشمالي انت تبيلي الخير جزاك خير ناس عطلين معاهم باكلوريس حاسب الي ملقو وظيفه شلون اجل دورة حاسب

موفق اخي ماجد الله يوفقك