،



السلام عليكم ورحمه الله وبركاته
مسائكم جميل ، كيفكم ان شاء الله جميعاً بخير .

انا جديدة على القطاع الخاص وهذي اول وظيفة لي ،
انا توظفت كاشير باحدى الشركات في "محل نسائي" لي تقريبا 4 ايام من نزلت المحل
الشغل الحمدلله جميل وممتع لكن في شغلات حبيت اتاكد منها .

* مرات يكون في احتياج في محل تابع للشركة لكن يكون الموظفون رجال ، ونضطر نغطي الشاغر
اذا مافي اي رجال بالمحل نمسك مكانهم ، هل هالشي عادي ؟ او في مخالفه من وزاه العمل ؟
( لو فيها مخالفه تكون على مين انا او موظفين المحل او مديري المباشر )

*ايضا لو طلبوني احتياج بمحل ثاني "نسائي" وكان السوق زحمه وانا ابي احقق التارقت هل يحق لي ارفض ؟

علماِ اني موقعه عقد فقط باسم المحل اللي اشتغل فيه .
وكمان تقريباً كم المده اللي تحتاج عشان ينزل اسمي في وزاره العمل والتامينات .
يعطيكم العافيه جميعاً ، نوروني بالاجابات لان اول وظيفه لي .
وهل في شي في هذي الوظائف اتجنبه عشان ماتصير مشاكل مع وزاه العمل والتجاره .
اعطوني نصايحكم بخصوص هالوظيفة .

الله يجزاكم كل خير .

راح يفيدك هذا الملف
من موقع وزراة العمل
https://portal.mol.gov.sa/ar/Documen...ork_update.pdf



4 أيام لك يعني عندك 3 شهور قد تفصلي فيها من العمل
اذا ما عجبهم وضعك
اصبري 3 شهور بعدها طالبي بكل ما يحق لك بالقانون والقانون بصفك

،

باذن الله ماراح اسحب الحين بكمل ظ£ شهور واقرر
بس حبيت اتاكد من هالمعلومات عشان ماتصير لي مشاكل او اي استغلال
لان الوضع يبي له حرص شديد في بيئه عمل مثل هذي ،

سؤال ثاني اخوي .
الشركه بعد ظ£ شهور اما تكمل معي او تفصلني لكن حاطين شرط لو اكمل بعد الثلاث شهور لازم استمر شهرين
قبل استقيل او اني ادفع راتب هالشهرين علما ان العقد مافي هالشرط لكن هم بلغونا فيه قبل ننزل المحلات .

هل من حقهم يطالبون مني راتب هالشهرين ادفعهم وانا اساسا مراح اداومهم وابي استقيل ؟
انا اللي اعرفه ظ£ شهور فتره تجريبيه وممكن يمددونها ظ£ شهور زياده لو محتاج فتره اكثر من ظ£ شهور .

كمان بخصوص الاجازات يحق لي اطلب اجازه مدفوعه او بس اجازه بدون راتب في فتره التجربه ؟
شاكرة لك اخوي على تجاوبك معي والملف افادني كثير الله يجزاك الجنه .

هذا نظام مكتب العمل الجديد
و بركات وزير العمل السابق الحقباني
نعم صحيح ي تكملي الشهرين عمل
او تدفعي مقابلها راتب شهرين

الاجازة في فترة التجربه تعتبر سيئة بنظر أي منشأة
اطلب بعد ما تنتهي فترة التجربة
عموما لك 21 يوم في السنة مدفوعة الراتب
و ان شاء الله ما يمددون فترة التجربة 3 شهور أخرى

،



انا ماودي اخذ اجازه ، بس بعد مااكمل شهرين عندهم راح يصادف زواج اخوي بمنطقه ثانيه غير اللي اشتغل فيها
فلازم اخذ ممكن اخذ 5 ايام او 6 متتاليه وهالشي بالعقد يسبب فصل من الشركه اذا ماتمت الموافقه على الاجازه .

العمل بالوظيفة جميل والحمدلله اثبت وجودي من ثالث يوم والمدير مبسوط من شغلي معهم وهالمدير الكل يمدحه ان
يرقي المجتهد بشغله وماودي اخسر هالشي بسبب اجازه .

سؤال اخير اخوي ، بعد مانتهي من الفتره التجريبيه يحق لي اخذ شهادة خبره ؟
الله يجزاك الجنه يارب .

عطيهم خبر عن الزواج من الان بخطاب رسمي لمديرك المباشر محدده فيه تاريخ اول يوم واخر يوم للاجازه ومباشرتك تاريخ كمك وراح يكون بدون راتب اعتقد

،



الله يعطيكم العافيه على الرد .
وشاكره لكم سرعة تجاوبكم معي . الله يجزاكم الجنه يارب

عقدك محدد أو لا لان موضوع الشهرين يعتمد على نوع العقد إذا كان محدد لا تدفع الشهرين أنما الدفع شهر واحد وإذا دامومتي ما تدفعي
طلب الاجازة لازم من بدري تبلغيهم عن موضوع فرح اخوك علشان تشوفي ممكن يتفهموا الوضع بإنك تابعة لاهلك وممكن تعرضي تشتغلي مكان وحدة زيادة الان وتأخذ الاجازة بعد ما تتفقي مع احد من الموظفات واجازتك بدل عملها بدلك ووضحي لهم جديتك بالاكمال معهم .
شهادة الخبرة من حقك في 3 اشهر الاولى.
ولا يحق للشركة تمديدد فترة التجربة إذا كتبت في العقد 3 اشهر أنما لو كتبت 6 اشهر يحق انقاصها فقط او بقاءها كما هي بالاتفاق ولا تزيد حسب النظام

ماأزيد على كلام الاخوان ... كفوا ووفوا

بس بخصوص الاجازة قانونيا مايحق لك الاجازة ... بس بإمكانك تطلبيها بشكل ودي من غير راتب

والله يوفقك .