السلام عليكم
انا ادور على وظيفه ولا اي شغله اقدر اكمل بها مصاريفي انا واطفالي لكن عارفين انو اي وظيفه لازم تسجلك في التامينات وبالتالي راح يوقفون عني الضمان 😥
مافي حل لذي المشكله ؟؟وظايف بدون تامينات او اي حل ؟
والله حالي الله يعلم به الضمان والله مايجلس اكثر من اسبوع بالضبط وانا اصرف على 5 اطفال ماشا الله
والله نجلس باقي الشهر بدون ولا ريال 😭 ولاتحسبون نصرف الفلوس في تفاهات والله انها يدوب تكفي الاساسيات وخاصه انو ثنين من اطفالي لسى رضع اقل من سنتين يحتاجون حليب وحفايظ
معقول بنجلس طول حياتنا كذا محتاجين ؟! المشكله قد جربت التجاره وغيرها من الشغلات للي من البيت لكن للاسف فشلت فيها فشل ذريع وماكسبت وراها الا الخساره !
حسبنا الله ونعم الوكيل يعني والله حرام عليهم الواحد ايش يسوي في وضع وحياه زي كذا كل شي فيها غالي!
ذا النظام الجديد اللي حاطينه فيه ظلم يعني الفين وشويا بتكفي سته اشخاص !من ماكل ومشرب وملبس وفواتير وايجار ومصاريف مستشفى ومصاريف اطفال رضع من حليب !مو حرام عليهم بالله حتى الواحد لما يبغى يشتغل ويحسن مستوى دخله يحرمونه من ذا الشي !المشكله ما اقدر اشتغل واتعب نفسي وابهذل اطفالي واحرم نفسي من الضمان انا عارفه انها نفسها نفسها ذحين الرواتب في الوظايف للناس بدون شهادات مثلي في حدود ثلاثه الا اربعه الاف متاكده راح تروح ثلاث ارباعها في المواصلات وبحكم انو ماعندي احد يمسك اطفالي الصغار الربع الباقي في الحضانه !يعني حتى لو ضحيت بالضمان مافي فايده !؟حسبنا الله ونعم الوكيل ياليت نتوحد ونرفع شكوى للوزير يشيلون ذا القرار او على الاقل يسوون دراسه للحالات اللي محتاجه زياده دخل مانبغاهم يزيدوا من مخصصات الضمان نبغاهم يسمحون لنا نشتغل بدون مايوقفون عنا الضمان

وعليكم السلام
هذا هو الحال مئات الالاف يعانون من هذه المشكله وصدقتي والله الان كل شئ غالي هذا النظام كتبه اناس قديما بالوزاره منذوا عشرات السنين وكلما تفوه احد بجمله الضمان لايكفي افادوه ان المعاش يكفي مع البرامج المسانده
ماذا لو سمح للمستفيد بالعمل ويضعون حدا مانعا بحيث لايتجاوز هذا الحد
الى الله المشتكى

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

كان الله بعونك وعون الجميع الزمي الاستغغار والدعاء والفرج من الله قريب اسأل الله لك بالرزق الوفير 🌷🌷

جزاك الله خير