س/ هل أنا فقير أم غني؟!واحمدلله على كل حال.

بحر من عطاله · #21 (**permalink**) 15-02-2009, 12:56 PM

اقتباس:

المشاركة الأصلية كتبت بواسطة العاطل الموظف

نقول الحمدلله على كل حاااااااااااال .. بصراحة الله يعينه .. ورط نفسه !!

ثاني شي بصراحة ركزي بعقل .. أنا لو بقولك عني الحمدلله ميسور الحال .. وماعندي وظيفه تقريبا ... لكن شوفي الموقع كم عاطل فيه .. ((هذا يكفيك)) فيه بعض من الناس مايتكلم ... يعني (( لاتشكيلي أبكيلك)),,,,,, وأنا اطلب من المولى عز وجل يعينه في عياله ويسعدهم ..

تقبلوا مروري

اتفق معه فيما قال

تحياتي

جروح الموده · #22 (**permalink**) 18-02-2009, 10:19 PM

ماشاء الله بيت ملك و4800 يعتبر غني
ويحمدربه وخليه يشوف الناس اللي مستاجرين والراتب مايغطي نص الشهر
الله يكون بعون الجميع
ممكن يبني دور ويأجره
علية بكثرة الاستغفار والصدقة

لا للواسطه · #23 (**permalink**) 18-02-2009, 10:36 PM

إنا لله وإنا إليه راجعون

هذي ماهي أول حااااااااله
لكن حسبي الله ونعم الوكيل

تبي مشوار · #24 (**permalink**) 18-02-2009, 10:45 PM

تفكيره كان سليم لانه يبي الستر لعياله وبناته بعد مايموت الله يطول في عمره ويخليه لعياله

بالنسبة للراتب 4800 ماااايكفيه لانه عنده مصروووفات لعياله ماتكفي خصوصا مع الجشع الي صاير حاليا

وقسم انه يحتاج المساااعده الله يكون في عووونه .

المتحسر · #25 (**permalink**) 18-02-2009, 11:07 PM

والله الشرهة مو على الشايب الشرهة على الحكومة ليش ماتوزع اراضي مافي اكبر من السعودية كان الله في عونه هو وكل متقاعد يعاني نكران الجميل عشان يؤمن اهله لابد يدفع ضريبة الفقر والتقشف لكن الحمد لله هذا شد على نفسه واهله وامتلك بيت لكن الباقي على الايجار هذا المشكلة

وثيقه متلحفه · #26 (**permalink**) 21-02-2009, 05:04 PM

لاحول ولاقوة الابالله

ناسي همه · #27 (**permalink**) 27-02-2009, 02:59 AM

يآختي جآية تسآلي هل أنتم فقراء أم أغنيآء يعني كل شخص يشوفك بنظره ثآنية علىآ حسب المستوى الي عايشة وثآني شي مالك في الناس وش ينظرون لكم أحمدي ربك على النعمة الي أنتم فيها

اجاااااااازة · #28 (**permalink**) 27-02-2009, 03:26 AM

اقتباس:

المشاركة الأصلية كتبت بواسطة عدال

[align=justify]معليش هذا يستهبل الظاهر !!![/align][align=justify]

شوفي حبيبتي محد طقه على يده وقاله خذ قرض هذا أولاً ، ثانياً عمره 53 يعني تو فكر يعمر بيت لعياله ؟ ثالثاً والأهم حنا نعرف إن في بيوت أرخص وتجي كبيرة وواسع ، ونعرف إن الأسعار تختلف تبعاً للحي السكني وحالة العقار والخ وكان بإمكانه البحث عن منزل أرخص ويفي باحتياجاته هو وابناؤه ولو حتى آخذ بيت دورين وأجر الي فوق على سبيل المثال.
وبعدين كان بإمكانه لما آخذ القرض إنه يحسبه بطريقه أفضل يعني يحاول إنه يشتري بيت ويحط له محلين حلاقة ولا مغسله ولا دكان إن شاء الله يقضي فيه وقت الي تقاعد فيه ويضمن دخل ثانوي لأسرته . يختي بجد عالم غريبة هذا تقاعده في حدود 8 الآف معناه قبل التقاعد كان راتبه أفضل وينه عن القرض ذيك الأيام ؟؟؟؟؟؟

ياربي هذا أنا أسميه غباء مع احترامي الشديد للرجل وانعدام حس بالمسئولية ، تو فكر بعياله يوم طاح الفاس بالراس. الشكوى لله .

السؤال يختي مو هل هذا الرجل فقير أو غني السؤال هل تصرفه سليم أم لا ؟؟
هذي مشكلة بعض أولياء الأمور ، يخلف عيال عالبركه وكل حياته خبط لزق !!

افففف رفع ضغطي بجد ، الله يرزقه على كل حال وإن شاء الله يتوظفون بناته وعياله بس عشان أنفسهم والله .[/align]

المشكلة يا عزيزي تتحدث عن شخص كأنه جارك من عشرين سنه , تتحدث عن شخص كانك تعرفه عز المعرفه , يا عزيزي الرجل اللي ماتعرفه لاتطلق احكام غير مستنده إلى دليل انت تعرفه , وش دراك انه خلف عيال عالبركه وكل حياته خبط لزق
ودش دراك انه طول فترة حياته ماكان قادر يجمع حق بيت لسبب ما , وانا اعرف رجل ماقدر يشتري بيت إلا بعد التقاعد , واسم انه في بيوت ارخص لو شرى من هالرخيص ازين له
بقولك اذا تفهم بالعقار هنا انا اسكت واذا ماتفهم روح اسأل عن بيت بغرفتين وصالة واللي يكرمك وحمام وشوف بكم وبعدين تعال تكلم , يعني يا اخي العزيز يا تتكلم بواقعيه ومعرفه بالشخص وبأسلوب سلس بعيدا عن ( محط طقه على ايده , هذا اسمه غباء )
عالعموم لو املك شي اقدر اساعد فيه هذا الشخص مااقصر لكن رب العزة والجلال يرسله من يعينه على صعوبة المعيشة

وعذرا على الاطالة ,, لفت انتباهي الرد واحبت ان ارد بدوري

اجاااااااازة · #29 (**permalink**) 27-02-2009, 03:43 AM

اقتباس:

المشاركة الأصلية كتبت بواسطة Dazzling girl

والله ياقلبي هو الغلطان لأنه ما اشترى البيت من بدري لما كان لسه موظف
35 سنة يشتغل وين كان طول هذه الفترة ؟؟؟؟
كان في زمنه عصر الطفرة والعالم تشتري بيوت وبنت نفسها
وينه الفترة دي كلها ؟؟
وانا اشوف انه ما يستحق المساعدة ، وغيره اولى بيها
مو هو اللي فرط فلوسه طول 35 سنة وجاي دحين بعدما ضيع نفسه وعياله يبغى مساعده

نفس ردي السابق على الاخ اللي قبلك ,, تقريبا اسلوبه نفس اسلوبك بالرد
والله ماادري تتكلمون عنه كأنكم تعرفونه .. ياعالم يا بشر ابوي عمره ستين سنه ومن سنه بس قدر يشتري بيت وراتبه تقريبا زي الرجل اللي نتكلم عنه
يعني لما تقولون ليش ماشرا بيت من اول وليه وليه ,, انتوا تدرون عنه وعن ظروفه

سبحان الله . ياليت اللي يتكلم يا يحكي بشي يعرفه والا السكوت أرحم
واحب اضيف لك اختي كلمة وحده بس ’ لما قلتي ( مايستحق المساعدة)
اسمحيلي أقولك .. مو انتي اللي تحكمين عليه , والله لا يحدك مثل ماحده واحمدي ربك واشكريه لا يجيك يوم وتقول الناس ( ماتستحق المساعده)
هنا اقولك .. يستحق المساعده ويستحقها بوقه بعد , راجعي كلامك وغالطي نفسك فيه

ويااااااااااااااااااااليت اللي وده يناقش ,, النقاش ( أسلوب,فكر,حوار مهذب,,,الخ)

الله يعين بسـ

يحفظكم الرحمن جميعا