تعودنا على الغيبه ولا انتـي اول اللـي راح
ولا ني طارد اللي يحترينـي اطـرد ركابـه

انا طبعي ثقيل امشي على هوني وانا مرتاح
ولاني معني الخطوه على حسابه على حسابه

طويل البال ماضاقت علي وخاطـري مـزاح
وسيع بطان اضحك للجروح تـروح مرتابـه

غني النفس مايرجي عسلك ويطلب التفـاح
وانا لا من شربت من الشهد وش لي بعنابه

احاسيسي تبي لمسة وفاء ياطيـر ياسـواح
وعلامه لانفـض ريشـه تولانـي بمخلابـه

تعلمنا يصير الجرح جرح ولا يصير سـلاح
تعلمنا الرحيل بجرحنـا لـو نسفـه ترابـه

تعلمنا الشقا قبل السعـاده تعـرف الفـلاح
تعلمنا العرق قبـل الارق والوهـم واكذابـه

تعلمنا الغرق قبل البحر والمـوج والمـلاح
تعلمنـا نعيـش لموتنـا ونمـوت لاسبابـه

تعلمنا بياض الوجه مبطي والوجيه اشبـاح
تعلمنـا تصيـر قلوبنـا بيضـاء ولبـابـة

غواك البرق مدري يبعدك براقـه اللـي لاح
على وسم بعيـد مارعتنـي عشبـه غيابـه

ترى مهما شقيتك من مشارية العتب نـزاح
انا لي خاطر امـا برجـي الهتـان بعتابـه

انا لي قلب ماحطه رهـن وخنجـرك ذبـاح
وشد ك بالخفوق اذا ذبحتـه ليـه نحيابـه

نعيش ولا يصير القلب بيدك خاتم ومصبـاح
واعيش برحمة كفوفـك وتطعنـي بسبابـه

اموت بزحمة اوجاعي ولا اعيش بكفن جراح
وا شوف الموت بعيونه تكفيني بـه اهدابـه

على هونك تراي ماكل قلب يهتـوي مرتـاح
وعمر المهتوي ماجاب وصله غصب وطلابه

الا يا بعد كل اللي يجـي لاتنـوي المـرواح
واذا عزمت لا ترجع لقلـب بيـح احزانـه

وربك حبن براسـي وربـي لابعـد ماطـاح
ياكود اضحك بعين اللي نوى يضحك لي بنابه

عنيد ولا نقضت اول مواعيدي معك يا صاح
تجي والا تروح ماهو بنا اللي يطرد احبابـه