فتاة طموحةمتأهبه للتوظيف<<هل انت مهتم/ة ؟حياك ادخل/ي

الغامضة · #1 (**permalink**) 31-10-2008, 03:44 AM

بسم الله الرحمن الرحيم

اول شي يسعد لي صباحكم/مساكم

ماعليكم امر ثواني من وقتكم تقرون مكتوبي وإذا ماعليكم امر

ولا فيها مضايقة ولا كلافة اللي يقدر يساعدني او يشير علي بالكلمة الطيبة يتفضل..
اخواني/ اخواتي ..
بصراحة انا بنوتة لسى في مقتبل عمري عندي طموح ,عندي القدرة ,الاستعداد,التأهب,السرعة,التركيز,الإنتباه,المغامرة ,الثقة بالنفس...إلخ
عندي كل شي ماعدا شيئين:

1-الشهادة الجامعية+الدبلومات+الدورات
2-الواسطة
ادري بتقولون كملي دراستك ..

ماقبلوني بولا اي جامعة ولا اي كلية عشان نسبتي اللي انظلمت فيها
ومع ذلك قلنا بنجرب حظنا مع المعاهد ونتصل وندق ونستفسر
وتجي الصاعقة على رؤوسنا اللي تطلع الدورة الوحدة بألفين وشوي

والدبلوم42 الف ومافوق

وانا بروحي مع اهلي عايشين بسكن ايجاار

يعني لو فرضنا اني بتسلف مبلغ الدراسة حقت المعهد

طب المواصلات ..السواق اللي بيوديني ويجيني مايبغى يعني فلوس

يعني بالعربي الدراسة مقفلة بوجهي من كل جهة
لان دراسة على حسابي ما اقدر
ماعندي خبرة في ولا شي

اي تدرون لية لان مافيه وظيفة تقبل توظفني بدون هالخبرة ؟؟
من وين اجيبها وانا ما اشتغلت!!
بس عندي مهارة كبيرة وربي سخرها لي اني ممتازة باللغة الانجليزية
واعرف استخدم الحاسب الالي

وافهم فيه.. طب مين يبغى بس كلام لسان

كل الوظائف شروطها ورق
جيب ورقة في خبره فيها شهادة فيها كفاءة
ويادوب يفكرون يوظفوني
والله جربت حتى الواسطة .. بس الزمن خذا الواسطات ماتمشي بدون مقابل
وتدرون شو المقابل :اذا ما كان مادي فهو معنوي

وانتو فاهمين قصدي زين
والله تعبت انا من الزمن ومن كل شي .وان جينا للمنطقة اللي انا ساكنة فيها والمناطق اللي حوالي مافيها وظايف للبنات كثير غير محدودة وفي مجالات جداً محدودة ولازم شهادات جامعية وخبرات ومن هالحكي..

....
معليش اسمحو لي طولت بالحكي عليكم .. اصلاً وجودي صدفة بينكم
وانشاءالله رب صدفة خير من الف ميعاد

وفي ختام كلامي اوجة دعوة للي حاب يكسب اجر وثواب لوجه الله ..ويكسب في نفس الوقت موظفة طموحة على اتم الاستعداد للوظيفة مثلي

بأني موجودة في اي وقت
وللمعلومية فقط انا امنيتي ان تكون الوظيفة في الدمام واذا كلش كلش كلللللللللش الخبر بشرط

<<<قامت تتشرط
ماتكون تسويق ولا مندوبة مبيعات

اي اعرف حالي مااجيد هالشغلة هذي الا اذا في حد بيدربني؟؟
يعني وظيفة استقبال

مدخلة بيانات

مراسلة

شي من هذا حلو واقدر اسوية وانا مبسوطة
بإنتظاركم
ومتفائلة بوجوهكم السمحة وأسأل الله أن يوفقني وإياكم فيما هو خيراً لنا ولكم

تووتي · #2 (**permalink**) 31-10-2008, 04:01 AM

الله يوفقك حبيبتي
ودي اساعدك بس أنا من جده

جنتي أومي · #3 (**permalink**) 31-10-2008, 04:15 AM

الله يوفقك اختي ورزقك اعلم منك بمكانك
ياليت كنت قدرت اخدمك
ولاكن اختي عليك بالاستغفااار وبس وتوكلي قبله على الله
قال الله تعالي" ومن يتق الله يجعل له مخرجا ويرزقه من حيث لايحتسب"
افهمي معني الايه وطبقيها بالضبط وعلى فكره انا الحين شخصيا قاعده احاول انتهي من فكره الواسطات الماديه وانسي كل شي ماعدا ان عندي رب ماينساني .

بطالية · #4 (**permalink**) 31-10-2008, 04:50 AM

ربي يوفقك ..

حلو انك ممتازة باللغة الانجليزية..

كثير مستشفيات تطلب موظفات استقبال بدون شهادات وغيره.. اهم شي جيدة بالانجليزي والحاسب>> وهالشغلات متوفرة عندك ولله الحمد

ان شاء ربي يرزقك الوظيفة اللي تسد حاجتك وبمدخولها تكملي دراستك

مع انه مافي شي يشجع الواحد يكمل دراستك ويجمع في ذا الشهادات >> ماودي احبطك بس هذا الواقع

بالتوفيييييييييق