السلام عليكم
انا رحت طاقات قبل فتره بعدها باسبوع اتصلو علي مكان نادي رياضي وقالو تعالي وظفوني بعدها ب4 ايام دقت حقت طاقات وقالت لي شخبار دورتك لان هم يبوني احظر دورات
قلت ماحضرت خلاص توظفت قالت ممتاز وين ؟ وكم ساعات العمل والراتب ومعك العقد ؟ قلت مو عقد ورقه مباشره قالت لي طيب في ختم ؟ قلت اي وانا ماانتبهت احسب فيه ختم قالت مريني الصبح اضبط ملفك اذا كملتي عندهم سنتين لك مكافاه الجديه في العمل 24 الف بعدين كلمتها بكره قلت مافي ختم اختمها واجيبها قالت ارسلي صورتها في الواتس ارسلتها قالت مايعتبر لان مافي حتى شعار للمركز وحظرتني بالواتس ولاعاد كلمتني من اسبوعين تقريبا
اليوم اتصلت الصبح وانا نايمه الساعه 8 و19 دقيقه حطيته صامت ولاابي ارد رجعت اتصلت الساعه 12 سالت ابوي ارد اشوف شتبي ؟ قال ردي ورديت قالت وقعتي معهم العقد ؟ قلت لا احتمال 3 اشهر تحت التجربه وهو اصلا مو 3 اشهر هي المديره قالت كلش يبين من البدايه
قالت ترى مايصير بعدين قالت عطينا رقم جوال المديره نتواصل معها ونسالها كيف ادائي الوظيفي ؟ هل تحتاج دورات ؟ انا اقدر اخليك مساعدتها ب3 شهور متخيله مارتحت وقلت ماعندي رقم المديره قالت وش الرقم اللي كلموك منه قلت ثابت دقت علي موظفه قالت لي عندك مقابله مع مديره المركز ورحت قالت هاتي الثابت
علمت اهلي قال اخوي ولييييه تعلمينهم اسم المكان ؟ انتي متخيله وش ممكن يصير ؟ ممكن ياخذون اسمك ويسجلونك هم طاقات بالتامينات وتنحرمين من حافز 😨
قلت اكيد بيسجلوني قال مو اكيد بس احتمال يسجلونك بالتامينات
وسال هم حكومي ولاشركه ؟ قال اذا مو حكومي ماراح يسوون تفتيش للمكان ليش مافي عقود
انا مره خايفه ومتوتره يقولي ليه خايفه لهالدرجه
الموظفه قالت ليه خايفه ترى ماراح يخرب عليك شي
انا بهالطريقه غير اني ممكن انحرم من حافز ممكن يخربون علي وظيفتي
مدري وش يبون هم يبون عموله انهم جابو لهم موظفه انا ماتوظفت عن طريقهم ولالهم اي فضل علي وقلت لهم سكروا ملفي

مشكلتك عاديه
يفترض تكوني صريحة
واذا ما تقدري ارسلي لها واتس
انه تترك اتصالاتها معك و بيٍني لها انه مالهم فضل في وظيفتك
واذا احتجت عمل مستقبلا راح اتواصل معاكم
انتهى

هذا بالنسبة لطاقات


و بالنسبة لوظيفتك مو متخيل انك موظفة بدون عقد يضمن حقك و حقهم

لكن على افتراض انهم راح يوظفونك بدون عقد تقدري تستفيدي من وظيفة ثانية بالتأمينات
لكن تأكدي من عملك هل راح يضيفونك في التأمينات هل بيقدمون اسمك للموارد البشرية ؟


بالنسبة لعملك هذا فعلا غريب وانتي متضررة في كل الأحوال من عملك هذا
لعدة أسباب
أولها نفس العمل قد يستغنوا عنك بعد فترة بدون سبب
ثانيها حقوقك الوظيفية راح تضيع عليك
ثالثها تأميناتك اللي تعتبر اهم شيء و تثبت انك موظفة و تحسب لك عند التقاعد كراتب تقاعدي

اذا مرتاحه بوضعك الغريب مع عملك عادي كملي معاهم

اغلب الظن عملك راح يسجلونك في التأمينات بالكثير بعد 3 اشهر ان عملوا لك عقد !

طاقات ما راح يسجلونك بالتأمينات ولا يقدروا
بس فعلا طاقات ما فيهم خير
النظام القديم كان سهل تروح لمكتب العمل
يشوف لك عمل من وقتها يوجهك لشركة تنقبل على طول
الان فلم هندي بس ياخذوا فلوس دورات انشئوا شي جديد اسمه طاقات
موقع نت كلام فاضي لفه طويلة عريضة عشان نهب أموال عالفاضي

حلو يعني مايقدرو يسجلوني في التامينات ولايجون يسوون تفتيش ليش مافي عقود لانهم مو جهه حكوميه
انا سويت لهم حظر متصل لاني انزعجت جدا جدا جدا
حتى رفضت اعطيها رقم المركز ولارقم المديره

طاقات تابعة لصندوق الموارد البشرية
والموظفين فيها اغلبهم شركات دعم واسناد
بس يعنبروا حكوميين
الجهة المخولة للتفتيش مكتب العمل و الجوازات
لا غير

شكرا اخواني ريحتوني طيب بسال سوال بعد لاجيت اقدم على حافز تقدر تبلغهم هي ويقطعونه ؟ مع العلم حظرت رقمهم من كثر الازعاج لكن خايفه تطلع رقمهم من انستقرامهم وتسال اذا انا موظفه عندهم ولالا ؟ لان اصرارها على التواصل معهم غريييب
في اللي يقول ماتقدر تثبت دام مافي تامينات