ي الله يارب توفقيكك .

اخوي شوف والله الذي لااله الي هو الكلية الامنية قوة واسطات ام القطاع الخاص ابرك من القطاعات العسكرية كلام غلط وغير صحيح الشركات اقل غلطة مع الباب والاجانب يتحكمون فيك فكر في ذي الكلمتين(خدمة الوطن شرف لنا مو خدمة شركة )

الكلية الأمنية هي الوحيدة اللي فيها الواسطات معدومة تماما مهما فزعلك من ضابط تعرفه

وهذا الكلام عن تجربة لأن القبول النهائي من وزارة الداخلية

والقبول فقط للبكالوريوس واللي أنهوا السنة التحضيرية من جامعة الملك سعود بمعدل لايقل عن 4 من 5 ( ابتعاث مدة 4 سنوات )

لحد يخرط عليك بأن الماجستير يقبلوه هذا كله كلام فاضي

اذا انت ضامن وظيفة الفرد ( رقيب ) توكل على الله وروح فكر فيها من ناحية ثانية بعد ما تتخرج تضبت لك كم مشروع ولا تنظر لخويانك

صحيح فيها غبنة بس تذكر بأن كل شيء مكتوب من رب العالمين وهذا حال الدنيا

صلي الاستخارة والله يكتب لك اللي فيه الخير

والله لو اني مكانك وضمنت رقيب بروح لها خصوصا ان ماهو متوفر فيني شروط قبول للامنية لاتستهين فيها وبالمكافحة ترا افضل بكثير من وضعك الحالي

يارجال انا جامعي ومقدم على جندي اول اداري بالدفاع المدني هههههههه ، كنت اتغلى اول يوم كان تقديم الرتب فاتح بالامن العام وقول خلها تولي وشوف الوضع هالحين كل ماله مدحدر كل سنه تتقلص الرتبة


طبعاَ الخدمة المدنية غسلت يدي منها من زمان ولا كلن يتمنى يكون مدني

قدم على الحرس والدفاع يالغالي اذا تقديرك جيد وفوق اذا تعداك السنه هاذي التقديم اصبر ماتدري رزقك وين مكتوب والحرس فاتح وكيل ورقيب للجامعيين والدبلوم

الغبنه والله مو شهادتك الغبنه انها ماهي عاجبتك وفوق هذا كاتب لي (مردها عسكريه) ومحتقرها

و جاي تقول احسها صعبه ادرس 4 سنوات وادخل رقيب وعندي واسطه هههههههههههه ياحبيبي انا

هو أنا اصلا مايقهرني في الحياه هاذي الا الي شايف نفسه و حقين الواسطات والله الذي لا اله الا هو لو بيدي

سلطه مايتوظف شخص معه واسطه لانه بأختصار شخص غير مستحق ياخذ فرصه شخص مستحق

حتى لو كان هالشخص صاحب الواسطه مميز ومعدل عالي وتخصص مطلوب يبقى فيه شخص أفضل منه واجدر ويستحق
اكثر منه
عموما ياخ الحياه هاذي فرص اذا ماستغليتها تروح عليك ولكل انسان قدرات وكل انسان يجب ان يعرف قدر نفسه قبل كل شيء

لا تتكبر وشهادتك الي انت فرحان فيها و سالفة غبنه وانا جامعي ومادري وش ومن هالكلام شبعنا منه ترى وماصار يوكل عيش اذا

انت مغبون على قولتك وترى إنها غبنه ولا تليق بمقام شهادتك بأختصار لا تقدم

ترى غيرك جايبها ماستر من برى ودكتوراه وهذا هو جالس لا شغله ولا مشغله الاف غيرك عندهم شهادات افضل من

شهادتك وجالسين عاطلين او يعملون بقطاع خاص اللي مو عاجبك ومالومك لظروف لا تخفى ع الجميع

الطموح شيء جميل وكون أنك تطمح للافضل من حقك والعسكريه مجال وماترغبه ومن حقك بس في نهاية الامر ارجع واقولك

لا تكابر انا عندي شهادتين بكالوريس حاسب الي علمي انتظام من نفس جامعتك وادارة اعمال انتساب وعندي كم شهاده دبلوم

وعندي دورات وجالس اخذ لغه في الوقت الحالي فرصه وجتني وقدمت عليها واخذتها

وهذا انا لي 5 سنوات وترقيت الان الحمد لله .. قال ايش قال صعبه

رحم الله امرؤ عرف قدر نفسه وسلم لي ع واسطتك ...

سلام

السلام عليكم

اترك عنك الامنية من كلامك لاتنطبق عليك شروطها

عندك فرصة في وزارة الدفاع ضباط . وتخصصك مطلوب ازين لك من رقيب قدم عليها قبل يسكر باقي ايام ويقفل التسجيل

انا متخرج من الكلية ملازم والحمدلله الامور طيبة .

والله يوفقكم جميعا ويكتب لكم الخير .