السلام عليكم ورحمة الله وبركاته



اليوم حبيت اطرح مشروع واي شخص عنده معلومات يطرحها علشان بستفيد منها الجميع

مشروع تقسيط اجهزه كهربائية وجوالات

انا ماعندي المعلومات الكافيه عنه بس بالفترة الحاليّه كثير يشتري جوالات اقساط والبعض يبحث
عن سيوله وطبعا تحسب عليه ضعف المبلغ

ياليت اي شخص عنده معلومات وكيف طريقة الضمان وهل احتاج الى ترخيص مكتب ولا ممكن اشتغل من البيت

وعليكم السلام ورحمة الله وبركاته
يعتبر في رأي مشروع التقيسط من افضل المشاريع بالوقت الراهن وقد سبق طرحة موضوع ببعض مواقع التواصل الاجتماعي بعنوان ( مطلوب شريك بمشروع مكتب تقسيط بمنطقة المدينة المنورة ) وحتى تاريخ لم اجد الشريك , وسبب طرحي الموضوع اني موظف حكومي ولله الحمد والموظف الحكومي لا يستطيع استخراج سجل تجاري لمؤسسة يكون نشاطها البيع مثل بيع الاجهزة الكهربائية وغيرها .
وباختصار افضل ضمان في الوقت الراهن هو السند لأمر ( الكمبيالة )
وبإمكانك الاطلاع على موضوعي اكتب بقوقل ( مطلوب شريك بمشروع مكتب تقسيط بمنطقة المدينة المنورة )

تقسيط الأجهزة والجوالات مشروع مربح 200 في ٪‏ بس يبغالها راس مال قوي عشان تبدأ بداية قوية ورأس المال من 200000 الى 500000 ريال وانا اللحين أقسط جولات على معارفي اللي اثق فيهم وقرايبي بدون كمبيالات من البيت وبالنسبة للكمبيالات بكرة استفسر اذا اقدر اطبع كمبيالات بدون سجل تجاري او لا لانها الصراحه ذهب بس ينقص راس المال القوي

هلا اخوي احمد الحمد من البيت تحتاج من 15000 الى 30000 وكل ماصار المبلغ اكثر زاد دخلك وارباحك بس يبي لك صبر لان في البداية تنتظر كم شهر ست شهور أو سنه وتحسب كم راس المال وارباحك أو كل شهر تجيب جوال أو جوالين وثلاثه وتقسط وإذا تبي تقسط على احد وتعرفه معرفة بسيطة طلع كمبيالات وسجل عليهم وخليهم يبصموا واعذروني ما اقدر أرسل خاص

بس والله وجع راس اذا تعتمدوا عالتقسيط بالبيع

مو كل العملاء بيلتزموا واللي بيتأخر شهور وانت وراك راتب عامل و ايجار ووو الخ

حياك الله اخوي معين انت متاكد من الشروط اذا سجل تجاري ولا لا لأني كلمت واحد في مطبعه قال عادي وطلبني صيغة الكمبيالة وقال اهم شي يكتب عليها نموذج كمبيالة حسب القانون السعودي فوق

بالتوفيق ان شاءالله