26-07-2017, 01:01 PM
|
 |
عضو متواصل
|
|
تاريخ التسجيل: Mar 2016
الدولة: الخبر
المشاركات: 103
معدل تقييم المستوى: 18
|
|
|
رد: تجمع المتقدمين والمتقدمات على وظائف جامعة الامام عبدالرحمن بن فيصل بالدمام
السلام عليكم ورحمة الله وبركاته
الى المتقدمين على وظيفة مراقب امن وسلامة خصوصا اللي خبرته عسكريه
اليكم تجربتي
موعدي كان يوم الخميس 3 ذو القعدة 1438 هجري بعد صلاة الظهر الساعة 12 في مبنى 450
رحت لهم بدري قبل الصلاة الساعة 11 بالضبط اول مادخلت الا القاعة فاضية تقريبا ناداني موظف الاستقبال
يوم وصلت له قلت له ترى موعدي الساعة 12 بالضبط قال ولايهمك راح ادخلك بدري اليوم قلت له بيض الله
وجهك طبع لي رقم بعد ما شيك على هويتي ورسالة الموعد في جوالي وقالي روح للكاونتر رقم (( 00 ))
وصلت للكاونتر وكان فاضي يوم جلست قالي وش شهادتك قلت عندي ثانوية + دبلوم شبكات قالي ابي الثانوية
وخبرتك قلت خبرتي عسكريه قالي جب وثيقة الفصل اعطيته وثيقة الفصل قالي وثيقتك مكتوب فيها المادة 56
فقرة ( و ) فاعتذر منك قلت طيب ممكن توضح لي المعنى لو تكرمت قالي معناها انك فصلت بسبب غياب وليس
فصل نظامي قلت له صحيح فصلت غياب بس طال عمرك هل فيه تعليمات انك تمنعون المفصلوين بسبب الغياب
من التوظيف قالي صحيح قلت اجل الخيرة فيما اختاره الله وطلعت من عنده والحمدلله على كل حال وانا لله وانا
اليه راجعون
يا اخوان انصحوا اخوانكم ومن يعز عليكم لايفصلون غياااااااااااااااااااااااااااااااب لاي سبب كان
والله العظيم تتعطل كل مصالحهم وتروح عليهم اجازاتهم الماليه ومشاكلها ماتبين معاك الا مستقبلا
الصغار يتهورون بسبب الجهل ويندمون اذا كبروا بسبب الجهل بالانظمة وانا واحد من هذي الناس يوم
كبرت ندمت بسبب فصلي بسبب الغياب ونصيحة ثانية لوجه الله لاتفصل من اي وظيفة عسكرية او مدنية
قبل ماتكمل 5 سنوات بالضبط يعني اقل من 5 سنوات لاتفصل ابدا مهما كانت ظروفك والله الذي لا اله غيره راح تندم بعدين لما تجي تقدم على وظايف وتلقى كل الدنيا تطلب من 4-5 سنوات وفوق
والله ويوفقكم لما يحب ويرضى
عسى ربنا ان يبدلنا خيرا منها انا الى ربنا راغبون
|
العرض العادي
