الله ييسر امرك ويوفقك بهالوظيفه وما تتمنى عاجلا غير آجل

مساء الخير جميعاً
اختبرت اليوم في الفترة الثالثة وللأمانة الاستقبال والقيادة الى القاعات والاختبار
ثم الخروج كانت كلها منظمة وسلسه وتعامل الموظفات والمنظمات كان راقي جداً،
من الظلم تعميم الكلام السلبي على الجميع بسبب واحده او اثنتين اخطأوا !!
...
اسئلة الاختبار كانت سهله تختص بالمهام الوظيفية للمسمى الوظيفي
ورقة الاختبار واضحة وعليها شعار الجامعة و خانة الاسم، أما بالنسبة للتصحيح اليدوي
فبصراحه أشيد بجهودهم وطولة بالهم وعسى الله يعينهم على تصحيح الاف الاوراق
وهذا جهد يشكرون عليه مقدماً رغم انه كان من الافضل لو جعلوا تصحيحها الكتروني!
...
الاخوة اللي اشعلوا الهاشتاق بتويتر المذكور سابقاً كانت الحالة تختص بالمسمى الوظيفي اللي قدموا عليه
واتمنى من الله ان ييسر امرهم ويتاح لهم فرصة التأهل للمقابلة وتكون عن بعد للمقيمين خارج الدمام من باب التعويض،
لكن اعتب عليهم في التعميم، وفي التحطيم لمعظم المتقدمين اللي تنازلوا عن الحضور للاختبار ظنّاً منهم ان الحادث يحصل للجميع!
.،
لذلك الاخوة والاخوات اللي راح يختبرون الاسابيع القادمة توكلوا على الله واحضروا الاختبار لعل الله يقسم لكم فيها نصيب،
..
هذا والله اعلم وصلى الله على حبيبنا محمد.

جزاكم الله خير كل من رد وطمنا الله يرزقنا وياكم يارب الرزق الحلال الطيب المبارك

كل الشكر و التقدير للقائمين على المسابقة الوظيفية و نسأل الله سبحانه و تعالى ان يجعل لنا نصيبا منها

عندي سؤال مهم و هذا سؤال الجميع :
متى يتم الرد بالقبول ؟؟؟ مدة اقصاها كم ؟؟

جزاكم الله خيير

التنظيم والمعاملة والاحترام وحتى الدعاء كان موجود
والأسئلة فعلا سهله لكن كانت مفاجئه وخلاف المتوقع وسوت لخبطه بالتفكير حتى لو كنت تعرف الاجابه تحس انك متجمد لو حددوها مثلا عامه او تخصصية افضل وجهة نظر .. ويشكرون على التنظيم

اختبرت منسقة قبول وتسجيل الاختبار كان في التخصص والاسئلة صح وخطأ عن انظمة القبول والتسجيل اللي في موقع عمادة القبول التسجيل ... يعني اللي اطلع ع الموقع وقرا الانظمة اللي موجوده راح يجاوب في الاغلب صح مافي اي معلومات عامة ... لكن طريقتهم في الاسئلة انهم يجيبوا نفس ماهو مكتوب في الموقع بس يغيروا كلمه وحده تقلب المعنى يعني لازم تقروا زين >> هذي نصيحة للمقبلين ع وظايف في المستقبل

وطبعاً التنظيم تمام وكل شي حلو الله يعطيهم العافية ع جهودهم

والله يوفقنا واياكم جميع

للنساء والرجال وظايف ادارية بجامعة الملك سعود بالرياض والتقديم يوم الاحد القادم بإذن الله ،، بالتوفيق للجميع

بسألكم من سبق أنه وصل للمقابله الشخصيه وكيف
كانت في المسابقة الوظيفيه ؟؟

السلام عليكم ورحمة الله وبركاته

الحمدلله انتهينا من المرحلة الثانيه وباقي نترشح للمقابله ونتجاوزها بإذن الله

حبيت اعلق على الاختبار بغض النظر عن التنظيم و و و و و ( الله يجزاهم خير ويعينهم على مثل هذا في كل عام )
لكن الاسئله بعيدة كل البعد عن اذهان العاطلين يعني اذا كنت موظف راح تجاوب بكل ارياحيه اما اذا كنت عاطل بتكون الاجابه عشوائية
من وجهة نظري يجب ان تكون الاسئله تخصصيه او عامه اما انها تكون عن نظام الخدمة او نظام الجامعه او مدير الشؤون الماليه والادارية هل بيدة كل صلاحيات الكليات او لا ( هذا من اسئلة الاختبار) فهذا بنظري لايمت للعدل بصله والمساواة في الاسئله بين العاطلين والموظفين ..
الله المستعان
اسال الله ان يوفقني ويوفقكم لما فيه الخير