انا اعرف ان فيه مقابله ولكن بناء على ايش ..
اقصد الآليه كيف لأن نظام المسابقه بهالجامعة يفرق عن المسابقات الأخريات .. هل ياخذون مثلا جميع من تجاوزت نتيجته 90٪‏ مثلا للمقابله او مباشرة اعلى درجة مقابله ويتوظف ؟؟
اللي عنده علم ودرايه ياليت يعلمنا

الليله بإذن الله اعلان وظايف ادارية حكوميه

الله يوفقنا واياكم وجميع المسلمين

فعلا من ناحية التنظيم واسلوب ومعاملة الموظفاات اكثر من رائع
لكن الاسئله يعني وبعض الاسئله غير واضحه
حنا رحنا وسوينا الي علينا وننتظر وان شاءالله خير

يارب مايخسر لنا تعب سفر ومشقه ومصااريف الله يعوضنا ويرزقناااا فيهاا

الله يوفق الجميع ويجعل لنا نصيب منهااا

جاء سؤال محيرجدا مثل"
يقول الكاتب جون في كتاب التنــين ان الانسان ولد خيرا؟؟؟؟
اغلب الاجابات وضعتها صح والله يوفق الجميع
لا اعلم صراحه هل هي صواب ام خطأ
لكنها للاسف معقدة نوعا ما ..

ياشباب ترون فتح تقديم وظايف ادارية في موقع وزارة الخدمة المدنية راح يقفل بعد 4 او 5 ايام لحقوا عليه,,, بس نصيحة لوجه الله لاتسجلون من متصفح قوقل كروم لانه مايحفظ لكم قائمة الرغبات ,, انا دخلت وماسجلها لي وسجلت خروجي ودخلت 3 مرات ولا نفع,,, استخدمت متصفح فاير فوكس على طول سجل لي الرغبات اللي ابيها


الله يوفقنا وياكم ,, انشروا الخبر للعاطلين وعسى الله يرزقنا جميع..

بصراحه التنظيم جدا رائع
اختبرت باحث اجتماعي كانت الاسئله بعيده كل البعد عن البحث الاجتماعي كلها عن علم النفس التربوي مدري وش نظامهم مع الباحث شكلهم كانوا بيطلبون باحث نفسي وغلطوا وكتبوا اجتماعي

انا مصدومه من محتوى الاسئلة ما ادري هذي المعلومات العامة وش بتفيد بالوظيفة الله المستعان ..


الاسئلة الي جات لكم فيها من الاعوام السابقة ؟؟

يعني نركز فيها ولا بس نتوكل على الله و ما نتعب راسنا ؟؟

بكرة رحلتي آخر الليل وللحين متردد أروح أو لا وماني متحمس ، أخاف انقبل واعيش في معاناة القطاع الحكومي (موظف في بنك بنظام تعاقد خارجي) ، وأخاف ما انقبل واتحسف على كل اللي دفعته في السفرية اللي راحت واللي بكره وبخسر كثير .

السبب الوحيد اللي خلاني اقدم إن الوظيفة عالمرتبة السابعة لكن ماني متفائل لمستقبل الوظيفة مدري ليش احسها باهته ومالها مستقبل واضح والترقيات فيها صعبة .

مشورتكم تهمني ..