يعطيكم العافية على طرح الأسئلة العامة ..

بس للحين مادري وش علاقة الأسئلة بالوظيفة ؟ ههههه

كم استمرّت حرب البسوس؟ .. <-- من ضمن الأسئلة ..
بالله من اللي حط فكرة الأسئلة العامة لاختبارات وظيفية لا تعكس أبداً معلومات الشخص التخصصية الخاصة بالوظيفة ولا تعكس مستوى ذكاء الشخص ولا حتى تعطي انطباع أوي عن شخصية اللي مختبرها ..

باقي يسأل كم بيضة في طبق البيض و كم دقيقة مدة أغنية لنا الله؟ ..

ماهمني أتوظف قد مايهم إني ألقى شيء أبدع فيه ..
الحمد لله مستورة و الخير واجد لكن القعدة شينة وأنا لي أربع شهور تقريباً منب أسوي شيء ..
لكن التعقيد بالتوظيف و أنت تشوف ثلاث أرباع الوظائف لأجانب يقدمون نفس اللي تقدمه بالعكس أنت أكثر أمانة منهم ..
وياليت رواتبهم أقل منك .. بالعكس رواتبهم دبل راتبك .. بس الوظايف الحرفية اللي رواتبهم قليلة و أغلبهم هنود وبنقالية ..

مخليني أضرب مشوار عشان تطابق شهادتي؟ .. يعني أنكّت معك أنا يوم أرفق لك شهادتي مسكنرة؟
ماتقدر تخاطب جدارة مثلاً علشان تطابق الشهادات؟ .. ماتقدر تخاطب الجامعة نفسها أسهل لك؟
والغبنة .. مرسلين رسالة مطابقة لجميع المتقدمين .. يعني وش سويتوا خلال شهرين يوم التقديم الأولي؟ ..
انتظروا شهرين كاملات علشان واحد منهم يفضي اصبعه يضغط زر بالكيبورد يرسل رسالة لجميع المتقدمين للحضور للمطابقة !! ..
هههه والله استهبال و قهر انهم ماسكين وظايف وحنا جالسين نقدم بكل مكان ..
يارجل عمل تطوعي مني أي تقديم حكومي أفرزه بأسبوع واحد لحالي بدون مساعدة .. وارسل للمؤهلين اللي مطابقة مؤهلاتهم ..
والحين بننتظر الرسايل للاختبار اللي ما تدري وشلون بيجي .. تخصصي و إلا بيسألك عن حرب البسوس هههههه

لاحول ولا قوة إلا بالله ..
شكلها تبي تصفي على وظيفة شركة أفضل راتب و أريح للمخ ..

لو سمحتوا اللي عنده خلفية عن اسئلة منسق قبول وتسجيل ياليت يخبرنا عنها لان دورت ماحصلت لهم اي اختبار او اسئلة سابقة

كيف طبيعة عمل فني اتصالات ؟

سألت بعض الزملاء ما فيه نسخ للأسئلة ولا توجد بالنت
أشار علي واحد منهم الذهاب الى مثلا مستشفى التعليمي بحكم انه يتبع جامعة الامام او اي مستشفى او دائرة حكومية وتروح قسم التموين وتسأل عن نوعية الاسئله وكذلك لمن يسأل عن بعض الوظايف يتبع هذه الطريقة

للرجال متأكد للنساء احتمال
وظايف ادارية وهندسية وغيرها في شركة الحفر العربية شركة عملها حفر آبار البترول والغاز
العنوان الخبر طريق الامير سلطان بعد طابا حي الأندلس ،، المطلوب السيرة الذاتية عطها السكيورتي وهم بيتصلون عليك بإذن الله
تلفونهم 0138872020
وفق الله الجميع

المتقدم توي ابي اكتب موضوع عن هالشي
لان وصلني رسالة ع الواتس بخصوص شركة الحفر ومدري عن صحتها
انت متاكد ولا بس وصلتك رسايل مثلنا

اي ولله تكفى شفها
بيني وبيني الخبر 1200 كيلو 😅
ابيض وجه

هذه آخر ألأخبار