أنشودة العاطليــــن المصرين

"سلطان · #1 (**permalink**) 01-11-2008, 08:58 AM

أنشودة العاطليــــن

احنا شباب مصر المحروسة**** احنا شباب مصر العاطلين

شعرنا شاب والسن اتقدم **** بس املنا ييجي التعيين

اوحتى نلاقي شغلانة **** او سبوبة نجيب قرشين

العيشة في مصر بقت نيلة **** والاسعار اهي زي الطين

ياما تعبنا وياما ذاكرنا **** واهالينا شالوا الهم سنين

واخرتها قاعدين ع القهوة **** يوماتي نفتش في الجرانين

لكن الشغل ياعيني معدوم **** الا لاولاد الواصلين

دول بيلاقو الشغل كتير **** بنفوذ بابا وعمو حسين

كارت صغير او تليفون **** يفتح خمسين باب حلوين

كم سنة لما الواد يتودك **** ويعرف ماشية ازاي ولفين

يبدأ يعمل بيزنس خاص **** ويبقى حسابه بالملايين

ويجيب ناس يشتغلوا معاه **** برضو بكارت او تليفون

واحنا ياناس نقعد نتفرج **** ونقول بكرة ييجي التعيين

وييجي بكرة زي امبارح **** ونقول بعده وهايروح فين؟

دا نصيبنا من الدنيا ياناس **** نستناه سنة ولا اتنين!

*********

سنة ورا سنة والايام تجري **** واحنا على القهوة قاعدين

نتفرج على اهل البيزنس **** واولاد الامرة الناجحين

لحد العمر مايزحف بينا **** وتظهر شعرة بيضة واتنين

واحنا نقول دي هموم الدنيا **** لما الحلم يبان هاتهون

بكرة الشعر هايرجع اسود **** لما نشوف ورق التعيين

والقهوة قعدتها مملة **** "دومنة..طاولة..شاي..ينسون"

لما نمل القهوة ننام **** نفضل بالايام نايمين

و ساعات نتمنى ما نصحاش **** ونشوف واقع كله لعين

الجرنان بيقول فيه وظائف **** بس شبابنا ياناس هايفين

عايزين يقعدوا ف الارشيف **** وياخدوا اعانة للعاطلين

ونروح نجري على العنوان **** يقولوا لنا جايين مع مين؟

الواسطة ياجماعة دا شرط **** واحنا نجيب الواسطة منين؟

لو مش واسطة تبقى عمولة **** وما فيش اصعب من الاتنين!

********

الشعر الاسود بقى نادر **** والاطراف ما بقتش تلين

ونقول بكرة اهو جاي يا ناس **** بطلو تبقو متشائمين

إلى استنى تلاتين عام **** مش معضلة يصبر سنتين

ما بقاش فيه شعر اسود خالص **** والاسنان وقعو الصفين

الدكتور قال خف القهوة **** واوعى تقرب من التدخين

الدكتور قال فيه اضطرابات **** ف القلب وزغللة ف العين

فيه ف حياتك حاجة خطيرة **** فرحة كبيرة او حزنين

ف الشيخوخة الفرح بيتعب **** ذي الحزن يغوروا الاتنين

قلت له انا امبارح جاني في **** البوسطة جواب التعيين

ملطوش

المهندي · #2 (**permalink**) 01-11-2008, 03:35 PM

وينهم عن شاعر المليون
ههههههههههههههههههههههههههه.
خريج تقنية الله لايهينك.

وزير البطالة · #3 (**permalink**) 01-11-2008, 05:07 PM

ههههههههههههههههههههه
فالهم البيرق
يعطيك العافية

وظيفة بواسطة · #4 (**permalink**) 01-11-2008, 05:31 PM

صح لسانك ............................................

"سلطان · #5 (**permalink**) 03-11-2008, 10:50 AM

اقتباس:

المشاركة الأصلية كتبت بواسطة المهندي

وينهم عن شاعر المليون
ههههههههههههههههههههههههههه.
خريج تقنية الله لايهينك.

طافهم التسجيل ولاكان بيسجول
مشكور على المرور

اقتباس:

المشاركة الأصلية كتبت بواسطة امير الاناقة

ههههههههههههههههههههه
فالهم البيرق
يعطيك العافية

الله يعافيك

اقتباس:

المشاركة الأصلية كتبت بواسطة وظيفة بواسطة

صح لسانك ............................................

صح بدنك

abo naif · #6 (**permalink**) 03-11-2008, 11:35 AM

ههههههههههههههههههههه
فالهم البيرق

الحب لولا عيونك · #7 (**permalink**) 03-11-2008, 01:34 PM

شي حلـــو

متحدي البطالة · #8 (**permalink**) 03-11-2008, 04:43 PM

كلمات رائعه تظهر البطالة والفراغ .........................................

شكراً............................................. .....محبكم متحدي البطالة