السلام عليكم ورحمه وبركاته
.
.
ما هي إجراءات اللازمه بعد تجاوز المقابله
من فحص طبي و واوراق وشهادات وغيرها

يا ليت اللي عارف يفيدنا
ولكم جزيل الشكر

فحص طبي بعدين تروح للخدمة يطابقون اوراقك وبياناتك وتعبي نماذج وبعدين تستلم اوراقك توجيهك بالمباشرة للجهة اللي انقبلت فيها , يخيرونك هم يرسلونها او انت تستلمها وتوديها لهم
والله يوفقك

بالترتيب 👇

اولا: تنتظر لين جهة عملك يرسلون خطاب اجتياز المقابلة للخدمة المدنية. وحاول تتواصل مع الخدمة المدنية عشان تستفسر لان يومهم بسنه .

ثانيا: اذا تم اجتيازك للمقابلة تراجع الخدمة المدنية ويعطوك اوراق اسمها "مسوغات التعيين" تعبيها

ثالثا: تستلم ورقة الفحص الطبي ويوجهوك على مستوصف معتمد عندهم .

رابعا: تروح المستوصف اللي وجهوك عليه وتسوي فحص "دم و بول" الله يكرمك.

خامسا: تنتظر نتيجة الفحص الطبي من المستوصف وغالبا تطلع النتيجة خلال يوم او اثنين .

سادسا: بعد ما تستلم النتيجة تراجع الخدمة المدنية وتجيب معاك صورة شخصية ما يهم المقاس وخلاص تسلم الفحص الطبي واوراق توقعها.

سابعا: خلاص الخدمة المدنية ترسل اوراقك للجهة وخذ منهم رقم الصادر ، وبعدها تجلس تنتظر لين يدقون عليك الجهة اللي تعينت فيها ويقولون لك باشر العمل وغالبا يكون بعد اسبوعين وحاول انت اللي تجري وراهم لانهم احتمال ينسوك 😪