سلام عليكم...


انا اشتغل مع شركة لي 5 شهور معهم وما وقعت (العـقد)، موقع فقط العرض الوظيفي، الحين الحمد الله جتني وظيفة حكومية هل يحق لي تقديم الاستقاله ولا ما اقدر؟؟؟


افيدوني الله يعافيكم ضروري....وشكراَ

وعليكم السلام
وش يمنع الاستقالة، سواءا وقعت عقد ام لم توقع يحق لك تقديم الاستقالة، ولكن عطهم خبر بدري قدر المستطاع

يعطيك العافيه اخوي، لكن المشكله الوظيفة الحكومية معطيني فقط اسبوعين حتى اخلص الأجراءات وكلمت والشركة يقولون بعد شهرين تقدر تستقيل، ف خايف تروح علي الوظيفة الحكومية بسبب القطاع الخاص؟؟

اول شيء ادخل على موقع التامينات وشيك هل هم مسجلينك او لا؟

وعليكم السلام
روح مكتب العمل واذا الشركه معنده
ادفعلهم راتب شهرين أو نص راتب الشهرين (راجع مكتب العمل)

كل الي طرح الاخوة ممكن تكون حلول، وانا اقولك يا عزيزي دام ما وقعت معهم عقد فموقفك اقوى، حاول تتفاهم مع الشركة واذا عندوا قل لهم اصلا ما بينا عقد وفي الاخير ممكن تراجع مكتب العمل، الله ييسر لك امرك

وش تنتظرررر روح مكتب العمل واصلا بعقد ولا بدون عقد الفترة التجريبية 6 شهور تقدر تتصل فيهم وتقول ماابي اداوم من بكرة بس اكيد ماراح تسوي كذا بتعطيهم مهله كرما منك بس مو غصب

اذا الوظيفة الحكومية ماهي على البنود يعني بند المستخدمين وبند الصيانة والتشغيل وبند الاجور الخ

اسحب عليهم لانه اصلا مافي تعارض الشركات على نظام التامينات الاجتماعية والوظايف الحكومية اللي على سلم الرواتب العام على مؤسسة التقاعد بس لاتظلمهم اذا اتفقت معهم على شي لازم تستاذن منهم باسلوب او ترسل احد اخوانك اللي اقوى منك في التفاهم

ونصيحة راجع مكتب العمل قسم المحققين واسال اي محقق في مكتب العمل هل لك مستحقات او لا ؟
اذا لك اي مستحقات لاتتركها

ومن ناحية توقيع العقد مكتب العمل هم عندهم البير وغطاه

وانصحك تراقب الله في كل امورك هذي لا ضرر ولاضرار

نظام العمل السعودي في التعديل الآخير للمواد 38 ذكر تغير فترة التجربة للعامل وتم تعديلها من 3 اشهر إلى 6 اشهر
ويجوز تمديدها بشرط موافقة العامل كتابياً

ذكر صراحة بأن فترة التجربة مدة ستة اشهر ولايوجد عليك أي التزامات تجاه صاحب العمل إلا إذا ذكر ذلك صراحة في العقد ولايحق لك الحصول على مكأفاة نهاية الخدمة لأنك في فترة التجربة

ماذا لوجاوزت فترة التجربة هنا تختلف المسألة

ووفق نص المادة (85) من نظام العمل السعودى اذا كان انتهاء علاقة العمل بسبب استقالة العامل يستحق في هذه الحالة ثلث المكافأة بعد خدمة لا تقل مدتها عن سنتين متتاليتين الى اخر المادة .

ويجب عليك دفع راتبين شهرين او تداوم شهرين <<< هاذي المعلومة كتبتها من ذاكرتي فتأكد منها وإن كنت اظن انها صحيحة