السلام عليكم ،،

عندي استفسار انا انتهيت من الفرد اساسي 4 اشهر الحمدلله القوات البرية المظلات والقوات الخاصة

باقي لي دورة المظلات ودورة الصاعقة باذن الله

حبيت اسال عن لما اتخرج من الصاعقة
1- كم الراتب مع البدلات بالتفصيل علما باني جامعي وساتخرج برتبة رقيب ان شاء الله .
2- كم مبلغ رواتب الفترة اللي قضيتها في التدريب وكيف طريقة حسبتها يعني راتب اساسي وايش في غيرها ...؟ علما باني بدات الفرد اساسي يوم 7/05/1438 و تاريخ التخرج من الصاعقة سيكون في منتصف شهر 3 / 1439 والمدة الاجمالية من وقت ما بديت الدورات حوالي 11 شهر
3- هل المبلغ الكبير حق الروواتب ينزل على دفعات او دفعة واحدة ( هاام جدا)
4- متى يصدر قرار التعيين والمباشرة عادة في قطاع المظلات والقوات الخاصة .

اتمنى اللي يعرف يعطينا اجابات اكيدة وصحيحة ويفضل تكون من اشخاص متخرجين حديثا من هناك او موظفين في نفس المكان وشكرا لكم جميعا

المظلي يزيد راتبه عن زملاؤه من التخصصات الأخرى في الجيش بمقدار 1200 ريال لانه علاوة القوات الخاصة 800 ريال بالاضافة إلى علاوة المظلي 400 ريال إلى جانب البدلات الأخرى وهي 25% من الراتب الأساسي وأيضاً 25% مكافحة إرهاب وبدل الإعاشة 1000 ريال وبدل الخطر ويومية الميدان وبدل المواصلات وبدل الشهادة الجامعية بالإضافة إلى الخدمة الإضافية وغيرها من البدلات.

راتب الرقيب مظلي يكون باذن الله ما بين 12 الف إلى 15 الف والسبب أنه يا اخذت دورات اضافية داخلية وخارجية بيزيد راتبك.

يا الغالي شهادة حاسب 6 أشهر ولغة انجليزية يعطوني عريف وإلا جندي أول؟!
ثاني شيء بين دورة الفرد الأساسي والمظلات كم يعطونك يوم اجازة؟!
ثالث شيء هل تنصحني أقدم في مركز تبوك وإلا الخرج أفضل؟!

مبروك الله يوفقك نفس سؤال الشمري معي حاسب 6 شهور وشهادة سباحه كلها معتمده والثانويه وش الرتبه المستحقه ؟

السلام عليكم
مبروك يالرقيب وعقبال التخرج
عندي استفسار
لو اجيب شهادة حاسب 6 اشهر انزل ميدان ولا مكتبي ?
لأن قالو اللي يروح مكتبي ماياخذ بدلات الميدان واضن من ضمنها صنف الصاعقه والمظلي

اتمنى سؤالي واضح واتمنى الاجابه

يعطيك العافية يا ابو كريم الشمري كفيت ووفيت يا الغالي

ابو كريم / بخصوص شهادة الحاسب على طول بيعطوك وظيفة ادارية لكن الرتبة ما عندي علم فيها ولا ودي اعطيك كعلومةرماني متاكد منها

بالنسبة للاجازة لا تقل عن 5 ايام بين الدورتين احنا في دورتنا اخذناها شهر بسبب اننا تخرجنا من الفرد اساسي وبعدها كان رمضان ومستحيل دورة المظلات تكون في رمضان

قدم في المركز الاقرب لك عشان ما تتعب لانه في كل الحالات راح يرسلوك على تبوك والتعيينات كلها في تبوك

التعيينات في تبوك بالنسبة لي ممتاز جدا علشان القرب من مدينتي لكن أتمنى ما يكون نظامهم كل فترة في مدينة لأنه الأستقرار مهم.
الحد الجنوبي أو غيره ما في مشكلة وهذا من صميم عمل المظليين لكن اللي أقصده مكان التعيين والمقر اللي تداوم فيه.
لأنه ما أرغب بعد سنتين أو ثلاث يقولون لي باشر في الطائف أو الباحة.. أبي الإستقرار.

اخوي / الرقيب 911
الله يسعدك اجابه كافيه ووافيه ماقصرت