طبعاً الشركة المقصودة بالعنوان هي شركة "الشايع التجارية الدولية"، سويت مقابلة أولى واجتزتها وأنهيت المقابلة الثانية بقبول ولله الحمد ..

من فيكم سمع فيها أو عنده خلفية عنها ، هل فيها عقود ؟ .. هل يسمحون لك تكمل ماستر ؟ .. كيف تعاملهم ؟ .. هل وظيفة مشرف أو نائب مدير أو مدير بهذي الشركة تُعتبر وظيفة محترمة ؟ ..

خلوني أشرح لكم تدرجهم بإيجاز، الوظيفة اللي أنا مقدم عليها للجامعيين بالبداية يكون فيه تدريب لمدة 6 شهور بفئة المطاعم وبمكافئة تتراوح بين 5500 و 6500..
بعد ماتنتهي فترة التدريب يعيّن المتدرب على وظيفة مشرف على فرع لمطعم أو كوفي شوب، أو نائب مدير أو مدير وهذا يحكمه الأداء فترة التدريب ..
بالنسبة للراتب يُحدد بعد الستة أشهر بحسب الإتفاقية المبرمة بين الطرفين (الموظف والشركة)..

تنصحوني أكمل معهم ولا أنسحب وأشوف لي وظيفة ثانية ؟

أنتظر ردودكم بارك الله فيكم جميعاً ..

اذ تقصد برنامج MT ف تم قبولي فيه نهائي شهر 3 الماضي ووقعت العقد لكن استخرت وانسحبت في اللحظات الاخيرة

والسبب ماناسبني شغل الكوفي .. والله يوفقك وانصحك فيها اذ انت تبغى تطقطق فيها والبيئة حلوه اغلب السعوديين الى فيها كويسين

واصحاب شهادات من الخارج والداخل (اذ هو الربنامج MTP) تخصصات قويه بتحصل مهندسين بتحصل خريجين ابتعاث وعقلياتهم حلوه .. ومحترمين مايقبلون ترى اي ناس شغل درباويه مايقبلون نهائي وهذي معلومه وصلتنى من معاذ

حسب ماوصلنى من الزملاء ان الدفعه كانت 22 شخص والى بقى منهم 9 والاغلبية انسحابات من مضايقات الاجانب في الكوفي

ف انصحك انك تتحمل ضغوطاتهم وتهئي نفسك عليها ولا ماراح تتحمل .. وشكرا

أخوي كيف المقابله وطبيعة الاسئلة ؟

وكم الراتب بعد التدريب اذا افترضنا مساعد مدير او مدير ؟



أخوي طالب علم وعمل انت كنت مشرف او مساعد مدير ؟

كم الراتب بعد التدريب لاني متردد

الله يعطيك الصحة أخوي طالب علم وعمل..
وضّحت لي الرؤية أكثر، أعتقد أنا وأنت بنفس القارب؛ عندي صعوبة في تقبّل المعاملة الغير سويّة حتى ولو كانت بصورة طفيفة..

أشكر لك التعاطي والإهتمام..

بالنسبة لك يا الكوكب الحزين 😇..
المقابلة الأولى كانت سلسة سألني بعض الأسئلة العامة وأهم سؤال لازم تحضّر له هو السؤال الفخ (تكلم عن نفسك) حضّر له كويّس..
وقبل كل شي سألني ودّك نتكلّم بالانقلش ولا عربي قلت له انقلش..
بعض الأسئلة لاترتبك معها لأن الهدف منها هو مقياس ردّة فعلك وليس مدى صحّة إجابتك..
يسألك بعض الأسئلة المتعلّقة بطبيعة العمل مثل: وش تعرف عن العمل اللي أنت مقبل عليه، لو عاملك زبون بطريقة غير محترمة كيف بتكون ردّة فعلك، ايش أهدافك إلخ..
طبعاً المقابلة هذي اللي أدارها استاذ معاذ..

المقابلة الثانية أدارها شخصين..
تقريباً 90% من الأسئلة مشابه وماعدا ذلك يخص بيئة العمل..

كل التوفيق لك عزيزي.. 🌹

الله يعطيك العافيه اخوي

روحت المقابلة ومااخفيك جاني شعور محبط يقول بعد الدوره 6 أشهر ممكن تكون مشرف او مساعد مدير او مدير

وضربتها براسي فقلت هل من خلال التدريب يحدد مسمى الوظيفة قال لا من 3 امور تحدد وظيفتك اولا تقيمك من الدوره وتقيمك من الفروع وتقيمك من المشرف

فقلت صعب جدا تخلون الناس كلهم مدراء فالاكيد الاغلب مشرفين والبعض مساعد مدير فحرام المجازفه بوظيفتي علشان عمل ما تعرف وين مصيرك بعد التدريب.

والله يكتب لنا الافضل