السلام عليكم ورحمه الله وبركاته

ياخوان بالله ابي مشورتكم ونصايحكم

انا عندي حول 100 الف ريال بحسابي
نفسي افتح محل جوالات ومتردد ناس تقول لي ابعد عن التجاره هالوقت وناس تؤيد
انا شغال باحد المطاعم المشهوره احس اني تعبت من هالشغله وراتبها مايساوي تعبها ومن المدير الاجنبي العربي للاسف الي واقفلنا ع الصغيره والكبيره تقال كليه عسكريه وخصميات وقرف
انا متمسك فيها على الشان الراتب مابي العطاله هل يستحق محل الجولات اني اضحي بشغلي علشانه هل عوائد محلات الجوالات كويسه هالفتره ؟

وهل رياده يدعمون مشاريع الجوالات "حاليا" بضل هالضروف

اجيبوني وريحوني

وعليكم السلام

شباب كثير شغالين في محلات الجوالات وماشيه امورهم تمام حسب ردود الافعال الي نسمعها او نشوفها.
.
اقترح عليك البحث عن كشك للتقبيل والايجار الشهري في مجمع اتصالات.

ولا تحط بضاعه كثيرة.

اولاً تكسب خبرة وبعدها تقرر توسع النشاط او لا.

شف اخوي الي 100 الف فيها الخير والبركة بغض النظر عن مجال الي ذكرته

عموما اي مجال تحس انك لو فتحته راح تنجز فيه وتفهمه قدم عليه والله يبارك لك فيه

ووالشي الثاني شف السوق وش توجهاته وش الشي الى ماشي ووالي واقف طبعا هنا لازم تنزل في السوق وتشوف بعينك المجال الي ماشي وتدبك فيه

وعندك مجال الجوالات على حسب ما سمعت ان الشغل كله ماشي بالصيانه والبرمجه والاكسسوارات وطبعا الكلام هذا انا انقله من كذا شخص لهم نفس المجال يعني اعيال خبرة في المشروع

طبعا مشروع الجولات ما يكلف 20 الف يسد الاجار والبضاعه

والافضل يكون مشروع الجوالات في مجمع كامل متكامل هذا كلام من شخص جرب وخسر في المشروع بسب ان محله كان منعزل عن السوق والمجمع

ومثل ما قلت لك انزل السوق وشف وش المشاريع الى تحس انها ماشية وتحس ان المشروع تقدر تنجز فيه دابك فيه والله يكتب لك الخير وين ما رحت

وفقك الله

تجارة الجوال فيها خير كثير ان شاء الله
وخاصة الاكسسوارات والتوزيع على المحلات
فيه مواضيع كثير في المنتدى عن هالموضوع
تواصل مع اصحابها وتلقى خير
المهم تواصل العمل رغم مشاكله حتى تبدأ مشروعك
وهذا هو الصح الله يعطيك العافيه
ثانياً وهو الاهم اذا بدأت اشتغل بربع المبلغ فقط على ابعد تقدير
يعني 25 الف فقط
واذا تمكنت من الشغلة عندها تنطلق بتوفيق الله

بالإمكان أخذ إجازة حتى لو بدون راتب
وتجربة العمل على أرض الواقع
بعدها تستطيع أن تقرر .