السلام عليكم ورحمه الله وبركاته

رحت اليوم للضمان ابي اقدم على المقطوعه وكنت اتوقع الشروط هي بطاقه الاحوال والايبان وتعريف من التامينات بس للاسف طلعت الشروط

كثيره جدا ..

اول شي قالولي لازم تعدل مهنتك من طالب الي موظف اهلي وتجيب تعريف للاحوال عشان يعدلون مهنتك ..

ثانيا قال لي لازم بعد ماتعدل مهنتك تجيب برنت من الاحوال وتجيب عقد الايجار وتجيب تعريف من العمل براتبك بشكل مفصل

وكذالك طلب مني صوره البطاقة مكبره وطلب مني الايبان وطلب مني شريحه برنت من التامينات لمن راتبه اكثر

من 3 الالاف ..

وحاب اسال هو طلب مني شريحه برنت من الاحوال لكن انا اعزب مش متزوج ؟؟؟

وبالنسبه للبرنت من التامينات هل هو مطلوب ..


اتمني من المسؤؤلين والمراقبين افادتي ..



وسؤال اخير لو رحت للاحوال وجبت لهم تعريف من التامينات هل يقبلونه او لازم اجيب لهم من العمل مع العلم

ان راتبي هو 3 الالاف ريال فقط

وشكرا لكممممممممم

وعليكم السلام
الشروط كثيره الله يسعدك كلها اوراق قليله وتعرف ادارات الضمان البعض منها ومن كثر الزحام يضع العراقيل من اجل تصفيه الزحام والطلبات هذي بسيطه وقبل كذا اظن افدناك بها
تعديل المهنه خذ خطاب من عملك او مشهد بأنك موظف وقم بتصديقه من التأمينات وراجع الاحوال للتعديل
بعد تعيل مهنتك البرنت ممكن تأخذه من خدمه ابشروممكن من الاحوال واذا رفضوا ان يعطوك البرنت لازم خطاب من الضمان موجه للأحوال
تكبير صوره البطاقه (الاستديو)
مقدار الراتب من عملك وتصدقه من التأمينات او حتى تحضر مقدار المعاش من التأمينات (مشهد)
عقد الاجار هذا غير مطلوب في معظم ادارات الضمان والشكوى لله جيبلهم العقد

كلها امور بسيطه في 10 ايام وانت مخلص منها ههههه لاتضخم الامور

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

بيض الله وجهك بس انا عندي سؤال لو سمحت انا عندي اخ لي عمره 38 سنة وراتبه 4 الالاف ريال وعنده تقرير طبي

من المستشفي عن حالته الصحيه .. هل يقبلونه يقدم في المقطوعه ..

سؤالي الثاني بالنسبه للخطاب قصدك اجيب تعريف من العمل بمقدار الراتب بالتفصيل + تعريف من العمل يثبت اني اشتغل عندهم وموجود فيه رقم البطاقة

المعذره ترا استوعابي بطيء

شوف ابوي
بالنسبه لأخوك اذا ماعنده عائله الحد المانع 3000 ريال مايقبلوه لكن اذا عنده عائله احتمال يقبلوه ولكل عدد للأسره حد مانع معين وفيه تصريح للمتحدث الرسمي للضمان ومفاده ان اللي على رأس عمل لايقبل بالمساعده ومع هذا ارى انه فيه حالات كثيره تم الصرف لهم وهم على رأس عمل خليه يقدم اذا عنده اسره واذا ماعنده لايقدم ويتعب نفسه على الفاضي

بالنسبه لك
امامك اختيارين
اما تجيب مشهد بالراتب من عملك وتصدقه من التأمينات او تأخذ مشهد براتبك من التأمينات
موضوع تعديل المهنه
تاخذ مشهد من عملك او من التأمينات موجه للأحوال انك على رأس العمل ويطلبون فيه تعديل مهنتك الى موظف
اذا تم التعديل بالاحوال انك موظف عندها تطلب برنت منهم

الله يسعدك يا ابو حميد والله انك امير باخلاقك ...

بيض الله وجهك وعسى والدينك للجنة

ويسعدك ربي
يغلق