السلام عليكم
ابي اسال عن شي
1) اذا كنت اول يوم باشرت عمل مكتوب بورقه المباشره باشرت العمل في المركز لمده 3 اشهر تحت التجربه وانا اقرا سالت المديره قلت يعني هو 3 اشهر تحت التجربه ؟ قالت هو دام مافي عقد مايهم هالكلام كل شي يبين من البدايه فهل بعد ماكون ماكملت 3 شهور ماراح يصير شي ونكمل انا والبنت اللي توظفنا في نفس اليوم او حتى لو قالت هالكلام هم قاعدين يختبرون شغلنا هال3 شهور وممكن نكمل معاهم وممكن لا ؟
2) انا منقهره من الموظفه اللي معي مو من العدل اني دوامي من 2 الى 10 وهي تطلب تغير وقتها ووافقت لها المديره من 1 الى 9 وانا اللي من غبائي رحت اقولهم مشواري 5 دقايق يوم المقابله لان بعض الوظايف يكتبون يفضل من سكان الاحياء التاليه والى اخره
وفي رمضان اطلع 1 ونص وهي 12 ولما شكيت لابوي قال راعوا ظروفها خلاص مالك دخل بتقولين شي بيقولون مو عاجبك اطلعي
3) الرسبشن حقت الصباح تقول انا راتبي 4000 من اول ماتوظفت بس بعدين نزلوا الرواتب اي احد جديد رسبشن 3500 ( مع العلم المسائي متعب مره والصباحي مريح لان جربت اداوم صباحي راااااحه لا اتصالات ولاضغط لما طلبت تبدل معي يوم لان عندها ظرف وتقولي بصريح العباره انا جايه عشان اتمرن ماجيت عشان اشتغل ( انا اشتغل رسبشن بنادي ومسموح نتمرن )
حتى ماعندها الا ثانوي وانا جامعيه صح ماطلبو شهاده جامعيه بس اقصد وش زودها عني
غير كذا ملاحظه الرسبشن القديم حق المساء كانو 3 بنات وكل وحده راتبها 4000 والحين صرنا ثنتين وكل وحده 3500 وكلهم طالبات جامعه ولامعهم الا ثانوي
ونزلو الرواتب وعدد الموظفات رغم انهم زادو اسعار النادي وخدماتهم نفسها
انا اكثر وحده مخلصه لشعلي اللي معي تتهرب طول الوقت ضحك وصراخ واغاني غربيه يشغلون ويرقصون ويتجمعون يسولفون ويدخلون يلعبون رياضه واللي تنام وعلى كيفهم ويخلوني لحالي والمشرفه ماتقول شي
مايلقون وحده تخلص للشغل مثلي
هل يحق لي اطلب من المديره تزيد راتبي مثل قبل ؟ واذا عادي بعد مااكمل 3 اشهر بالضبط ولااكثر ؟
واذا رفضو يزيدون الراتب تعتقدون ممكن ينزلون ساعات العمل لان حقت الصبح تداوم من 8 الى 4 وانا من 2 الى 10 فيصير بدالها دوام حقت الصبح من 8 الى 3 وانا من 3 الى 10
صعب اشتغل 8 ساعات و6 ايام بالاسبوع على 3500 ؟
تقول لي البنت حقت الصبح مافي شي اسمه 7 ساعات وزاره العمل يا6 ساعات يا8 ساعات شكلها تخربط علي لان اصلا نشتغل بدون عقد فمااعتقد ان كلامها صحيح