انا عديت قياس من اول مره قبل 4سنوات وماحصل تعيين يعتي عادي ان اجتزتي والاماجتزتي مانقول الا لاحول ولاقوة إلا بالله

٤ سنوات الواحد ينتظر ماهو جداره ماتنزل وظائف بكثره بالقطاره تنزل ما تنلام
اغلب الوظايف من نفس الاداره يتم التوظيف
ماهو هذا الشي اللي يجيب الهم
واحد مسجل بجداره له اكثر من اربع سنين
ويجي واحد توه متخرج طازه يحصل وظيفه حكوميه ليششششش
عشان عمه ولا خاله شغال بالاداره الفلانيه يتوسطله

فكره بطله صراحه بس لازم يكون الهشتاق مختصر

وارسلوا لحساب وظايف اللي ماسكه اخو الاسباني ناسيه اسمه اخو مساعد العتيبي

الله يجزاه خير يدعم العاطلين ويعلن عن وظايف

وكثير هشتاقات تخص العاطلين دعمها

واذا فيه احد مشهور يدعم ارسلوا له كمان عشان يطلع ترند

وافضل شي نحدد يوم ووقت معين الجميع يغرد بنفس الوقت عشان يوصل ترند

والله يااختي انا مغرد لكن مافيه تجاوب وتفااعل وارسلت لناس كثيرين مشاهير وكتاب ونفس الموضوع شافوه كثيرين والمتجاوبين قليل

لكن انتي جبتيها اعطينا حساب اخو الاسباني خلينا نكلمه ان شاء الله يساعدنا

باالنسبه لطول الهشتاق ولا قصره مافيه فرق اتوقع وماراح يعطله وياما هشتاقات طويله وصلت ترند

فكرة فخمه

وربي المسابقات الوظيفية فيهم واسطات بشكل غير طبيعي

لا أنكر وجود الواسطة ، لكن فيه جهات للامانة شغلها نزيه 100% وماتقدر تدخل الواسطة ، ترى وانا اخوك راح شغل ملف اخضر وكلم فلان يتوسطلي،. الان تقديم الالكتروني وفرز إلكتروني ، ومطابقة ، واختبار وبعض الجهات في حالة عدم اجتيازك للاختبار ما تدخل المقابله، الشخصية وبعدها فرز نهائي ، وبعض الجهات تخبرك سبب رفضك وتعطيك نقاطك وبعض الجهات تجيب لجان محايدة من برا ألمنظمه ، كل هذي الأمور تمنع الواسطه صدقني أو تقننها، لكن الجهات الي ماتعمل بالنظام هذا أكيد يدخل شغل الواسطه

ياعمي اي تقديم الكتروني انت جالس تحلم الله يرزقك

يارجل فيها جهات التقديم الكتروني وتسوي اختبارات وفرز ومدري ايش
والوظايف محجوزه من بدري لناس معينه
واذا لك احد شغال في الجامعات بالذات اساله وشوف ايش راح يقولك راح تنصدم

انا الهدف من موضوعي مو عشان اشكك في جهه معينه واقول الجهه معينه كويس ونكبر السالفه وهذا نزيه وهذا لا
انا الهدف عندي الباب اللي يجيك منه الريح سده واستريح

الجهه اللي تقول عنها اليوم شغلها نزيه بكره يتغير مديرها وممكن يكون شخص غير نزيه
ليش اتعب دماغي معااه واشك فيه ومدري ايش

انا كوزاره الخدمه المدنيه اخلي التوظيف من عندي واريح دماغي من هالمشاكل