السلام عليكم ورحمة الله وبركاته

مساء وصباح الخير للجميع اسأل الله ان يوفقنا لما يحب ويرضى وان يرزقنا من واسع فضله

اارجو من الجميع المشاركه بالموضوع بتحسين الفكره واالاضافه عليها وطريقه توصيلها الموضوع ياخوان يهمنا جميعاً العاطل ولا الموظف اللي بالقطاع الخاص ويتمنى وظيفه حكوميه ، الموضوع بسيط وسهل لكن يحتاج مشاركه وتفاعل من الجميع .

كثير من سمع قصه مسؤؤل الاحوال اللي موظف جماعته ولا مسؤول الجامعه الفلانيه اللي موظف جماعته بشكل كبير وكثير منا يعرف ان اغلب الوظلئف الحكوميه مثل البلديات والامانات تروح كلها واسطه ومعارف ان اخوكم محدثكم صارت معي كان قبل فتره البلديه منزله وظائف وانا كان وقتها معاي دبلوم من الكليه التقنيه ورحت زي الخلق اقدم بعد ماطلعت النتائج ما حصلت اسمي رحت حصلت الاسماء المقبوله فيه ناس اعرفهم معاهم ثانويه يعني شهاده اقل مني وانقبلوا واعرف انه لهم ناس في البلديه
هنا تحس شهادتك مالها قيمه مقابل الواسطه اللي حاست البلد . وكثير منا سافر وتعنا وتعب وراح اختبر والبنات بالذات يا تمرمطوا مرمطه وحق تذاكر الطيران ماعندها وخساير فلوس والوظيفه محجوزه لواحد ولا لوحده نايم ونايمه في البيت ياجماعه والله شي يزعل ويقهر

الزبده

نبغى من المسؤول في بلدنا الغالي على قلوبنا ان يوجهه جميع الجهات الحكوميه ( هيئات ، مؤسسات ، مجالس ، مصالح ، مديريات ، دواوين ، كليات ، صناديق ، امارات ، وزارات ، امانات ، رئاسات ، جامعات ، وجميع الجهات الحكومية ) سواءً كانت الوظيفه رسميه او تعاقد او بند او مستخدم او غير ذلك جميع الوظائف توكل الى وزاره الخدمه المدنيه جدارة بشكل الزامي وبأسرع وقت ممكن وان يتم تطوير وزاره الخدمه المدنيه جداره بشكل يحقق رغبات المواطنين وتمنع اي جهه حكوميه ان تعلن حاجتها الى موظفين عن طريق مواقعها الرسميه وتسلم احتياجاتهم الوظيفيه الى جداره وذلك لتجنب توظيف ما يسمى بالواسطه وتطبيقاً لرؤيه الوطن في تحقيق المصلحه العامه .

ياجماعه لو سوتها الحكومه انا اتوقع بدل ما الواحد ينتظر 10 سنين وممكن اكثر عشان يجي دوره في المفاضله
اتوقع ممكن السنوات تقل بشكل كبير وبدل ما جداره تفتح التوظيف مره وحده بالسنه ممكن يفتحون التوظيف 3 مرات مادام جميع الوظايف في يدينهم

والموضوع راح يسهل على الحكومه مراقبه االيه التوظيف يصير المسؤولين عن التوظيف في جداره عليهم رقابه مشدده من نزاهه وممكن من المباحث كمان، مراقبه جهه واحد اسهل من مراقبه جميع الجهات الحكوميه بفروعها في مجال التوظيف .

الموضوع ياجماعه والله مهم وكلنا نعرف ان تويتر يساعد في توصل الفكره ارجوكم ان تشاركون في هذا الهشتاق .

#لا_توظيف_حكومي_الا_عن_طريق_جدارة

#إلزام_الجهات_الحكومية_بتوكيل_التوظيف_الى_جدارة

فكروا بالموضوع فالمصلحه للجميع ..

والسلام عليكم ورحمة الله وبركاته ،،،،

اخوكم تركي .

والله ياليت بعد نسوي هاشتاق يلغون قياس للي خريج وخريجة لهم عشر سنوات وأكثر تعبنا واحنا نختبر ومانجتاز

والله اتمنى يلغون قيااااس اللي ضيع تعب السنين اللي في الجامعات باختبار كم ساعه
لكن فيه مطالبات الواحد يحس انه صعب يقبلون فيها
وفيه مطالبات سهله وفيها مصلحه للجميع

فكرة رائعة استمرررر....

إن شاء الله يطبقون هذه الآلية وتدرج جميع الوظائف الحكومية الى جدارة لمنع تدخل الواسطة وتحقيق النزاهة إن شاء الله

ان شاء الله يطبقونها لكن الموضوع يبغاله تفاعل ونشر
وتويتر المنصه الجيده للتفاعل

ممكن الفكره يشوفها شخص بتويتر افضل منا في توصيل الفكره للمسؤول ويحسن عليها ويدعمها كالكتاب والمثقفين

حتى جدارة وضعهم مشكوك

فيه ناس تقول السنة نقاطي كذا وكذا السنة اللي بعدها تنزل بدل ما ترتفع !

كيف مادري

يا عمي اقل شي جداره سهل مراقبتها
الكل يعرف ايش صار بوزير الخدمه المدنيه خالد العرج لما وظف ولده

الكل يعرف ان الواسطه صعب ايبادتها لكن لما تضيق عليها سهل تخفف من فسادها

وهل جدارة لاتوجد فيها واسطه !؟؟