الفصل من العسكريه

عساف الدوسري · #1 (**permalink**) 24-07-2017, 08:48 PM

السلام عليكم ورحمه الله وبركاته
مساء الخير
انا عسكري جندي بالجوازات ..
هل اقدر افصل نظامي اكلمهم وأقول ابي أفصل
زي كذا .. مع العلم أن لدي قرض من البنك العربي
وهل راح يتم تغيير مهنتي إلى متسبب ؟

وولد جهينه · #2 (**permalink**) 25-07-2017, 12:28 AM

أنصحك ما تفصل وهذا افضل قطاع ..........

وش السبب اللي بيخليك تفصصل

BinSaad · #3 (**permalink**) 25-07-2017, 12:34 AM

نعم تقدر تفصل
بس مع الظروف اللي تمر فيها البلد حالياً انصحك تراجع الفكره وتحسبها صح

دبلوم آدارة · #4 (**permalink**) 25-07-2017, 02:04 AM

اولا ليه تبي تفصل الجوازات دوام مشي حالك ما عندك الا الهنود
وثانيا لو تبي تفصل اتوقع ما تفصل نضامي الا بعد اربع سنوات واذا عندك تخصص فني 6 سنوات
والا حاول تدبر تقارير طبية انك مريض نفسي عشان يصرف لك تقاعد 75‎%‎ وتريح
بس صعبه لان فيها عدت لجان تعرض عليهم
واذا مره طابت النفس اسحب عليهم سيفون اتوقع 7 ايام متواصله يرفع قرار فصلك
بس ما انصحك ترا راح تنطلع بالبيت مافيه وظائف حتى الشركات صارة فل
ملاحظه اذا ناوي تفصل طلع قرض كامل على راتبك وعطهم سيفون عشان لو تبي تفتح مشروع

المدعي_العام · #5 (**permalink**) 25-07-2017, 02:27 AM

الناس تدور الوظيفة وانت تبي تفصل !!

يا ابني هالوقت الحالي لو معك وظيفة عض علينا

إلا اذا كان عندك ظروف قاهرة هذا شي ثاني او فيه عمل بديل

عساف الدوسري · #6 (**permalink**) 25-07-2017, 12:46 PM

يعطيكم العافيه و خلها على الله
طيب انا خايف من شي واحد
سمعت الي يفصل ولديه قرض من البنك
يتم إيقاف خدماته وهذا شي مهم بالنسبه لي
احد عنده علم ياشباب

انطرحنا · #7 (**permalink**) 25-07-2017, 08:53 PM

انت تقهر الله يستر عليك
انا بالامن العام مفصول بسبب غياب
وصارلي ثلاث اسنين كل اسبوع
اترجا ناس ماتسوى عشان يفزعون لي وارجع
وانت تبي تفصل !!!!

تعوذ من ابليس نصيحه قطاعك افضل قطاع عسكري بالسعوديه
والله تندم

خالد سراب · #8 (**permalink**) 26-07-2017, 07:28 PM

والله ياخوك ما انصحك تفصل ابد انا فصلت غياب من حرس الحدود سحبت عليهم سيفون عشان انفصل وفصلوني والله ندمت من اول شهر بعد الفصل من جاء تاريخ 25 ومانزل راتب حسيت بالندم صحيح ورحت لشركات حرام طلعو روحي واهانه وذل وماحد يقدر ظروفك والحمدلله حقوقي الي جتني من حرس الحدود شريت فيها بندق بالفوج بالحرس الوطني وارتحت نفسيا وامان وظيفي

مخااوي االذيب · #9 (**permalink**) 27-07-2017, 02:09 PM

اخوي نفسك بالجوازات فصل و عليه قرض و الان موقفه خدماته من البنك الراجحي كنه مسجون مايقدر يسوي شي الا لين يسدد و الله انه عاض على اصابع الندم
نصيحه راجع حساباتك و الوظائف ماعاد تنلقى و الان الجامعيين صارو يسجلون على رتبة جندي من قل الوظائف
و بعدين كل شي بيطير بالعلالي كهرب ماء بنزين و موادغذائيه الراتب دوب يمشي الحال كيف وانت فاصل ؟!!!!!!!!!!!!
نصيحه لوجه الله تمسك بوظيفتك اذا تحس بنفسيه تصدق ترا الصدقه زينه