السلام عليكم ورحمة الله وبركاتة

مساء الخير يالغالين

حبايب قلبي ربي يسعدكم ويوفقكم لكل خير

ودي أستشيركم وأخذ رايكم ودي أفتح كفتيريا بفكره جديده وتقديم جديد يعني شغل مرتب بس الحين متورط في الطباخين أبي طباخين فنانين يشتغلون عندي في الكفتيريا الي يقدر يفيدني يتواصل معي على الخاص أو يحط رقمه أتواصل معه لان الطباخ مثل مايقال المثل ((هو عمود البيت )) وودي الي عنده بوفية يخبرني كم تكلف راس مال أفتح المحل مع كل ملتزماته مع العلم أن المحلات عندنا أجارها يتراوح من 1000 الى 1500 ريال ووين احصل الات المستخدمه الي للكفتيريا في الدمام أبي


أتمنى تفيدوني عسى ربي يرزقكم ويرزقني كل خير

فكره جميله
بس لازم تختار موقع مناسب جدا ومثل ماقلت العمال مهمين جدا

بس اتوقع لو تنتظر على فتح المحل شوي يكون افضل لك لان ظروف البلد الحين في تغير مستمر

اصبر كم شهر زياده حتى تتضح لك الصوره

أصبر يعني الى متى تشوف أفضل وقتت

هذا الي مخوفني مليت من الصبر ودي ادخل البزنس الله يرزقني ويرزقكم الحلال المبارك

والدنيا لازم المغامره والتجربة صح ان الإقامات ارتفعات وكل شي في زياده بس ما نقول الى ربي يبارك لنا ولكم

اسال الله لك التوفيق
بدايةً لابد من دراسة الأمر بكل تفاصيله الموقع والايجار وتكاليف التأسيس
الأدوات فيها محلات تبيع جديد لكنه غالي
وهناك مواقع تبيع مستخدم نظيف ويحتاج صاحب خبرة يساعدك في الكشف عليها مثل الخلاط وماكينة الكابتشينوا الخ
والمستعمل تجده في سوق الصواريخ بجدة
من اهم الأمور في مثل هالشغلات المعلم واحترافيته في العمل
فاذا توفر لديك باذن الله الباقي اسهل

في الختام نصيحة للجميع
ادرس مشروعك بدقة وعلى ورق مكتوب وليس ذهنياً
وبعد اتخاذ القرار للتنفيذ والإقتناع التام
عليكم بصلاة الاستخارة فهي الخطوة الأخيرة قبل التنفيذ
وارجوا لكم التوفيق

بالتوفيق

الله يعطيكم الف عافيه على التفاعل وبيض الله وجيهكم

الافضل انك تجيب طباخين ويتولوا طبخ الكافتيريا وياخذون عليك راتب زيادة ويخلونك برا العمل وتصير معلق فيهم ، وفي ابسط مشكلة ممكن يهددونك بالرحيل وثم تبدا بالبحث مره ثانية على طباخين او انك تمل من التجارة وبتقول احد عبارات التثبيط (اذا العمالة كويسه امورك تمام) طيب ليش ماتصير انت كويس؟


الله يوفقنا ويوفقك...

أضم صوتي مع صوت اخوتي وانصحك بالصبر لبداية السنة الجديدة

الله يجزاك خير