25-07-2017, 09:44 PM
|
عضو متواصل
|
|
تاريخ التسجيل: Feb 2016
المشاركات: 42
معدل تقييم المستوى: 18
|
|
واخيراً توظفت
جى اليوم اللي يكون عندي فيه إجازة من العمل واقدر اكون فاضية وافتح اللاب واكتب اللي ابيه .
واخيرا توظفت الحمدلله الحمدلله الحمدلله من قبل ومن بعد وعلى كل حال , سبحان الله ماتضيق الا تفرج دائما كان عندي أمل وثقه بالله بس اوقات الواحد يكون يائس ويتحطم ويفكر افكار سلبيه , كنت دايم اقول ابغى وظيفة وانا جالسة مكاني نسيت ان في اسباب كثيرة بعد الله واولها السعي ثم السعي ثم السعي اللي يبي يتوظف لا يبقى في مكانه ولا يقول مافي وظايف ولا يقول الواسطة هي اللي ماشية والله كل هالافكار السوداويه هي اللي حطمتني وكانت مسيطره علي , لجأت بعد الله للمنتدى كنت انزل مواضيع اني ابغى وظيفه حتى ولو دعوة المهم كنت اقول انا جالسة اكتب ع الفاضي بس سبحان الله كان فال خير علي , دخلت بااعلان منزلين وظايف بقطاع خاص والوظيفة مرة كنت مستبعدتها لكن الله سهل لي هالامر وقدمت وانقبلت , حاليا انا على نطاق العمل منذ ثلاث اشهر يارب لك الحمد والثناء , شكرا ياالله شكرا ياحبيبي .
صح ماهي وظيفة ثابتة بس المهم اني انجزت احس قدمت للنفسي اشياء كثير تستحقها صح راح من العمر الكثير لكن لسى الباقي كله خير وامل .
اللي ابغى اقوله لاتيئسو وثقو بالله وادعو بكل وقت حاصة الوتر بالثلث الاخير وانتو ساجدين واستغفرو كثير واقرو الاذكار صبح ومساء وكررو لاحول ولا قوة الا بالله , وربي مايردكم الله المهم نحسن الظن فيه دايم .
الله يبارك لي في هالوظيفه ويرزقني بوظيفة افضل منها وتكون حكومية ويرزق كل محتاج وكل من يبي هالرزق قادر ياكريم
|
العرض العادي
