السلام عليكم ورحمة الله وبركاته
مساء صباح الخير للجميع
سؤال مهم للرجااال الراغبين في الحصول على وظائف حكوميه عن طريق جداره
الاغلب يعرف كيف تتم طريقه المفاضله عن طريق جداره وهي ثلاث معايير
1- 40 نقطه للمعدل الجامعي
2- 40 نقطه لاختبار قياس تقييم 1
3 - 20 نقطه للاقدميه وكل سنه تزيد نقطتين من تاريخ تخرجك الى عشر سنوات كحد اقصى

زبده الكلام
عن طريق موقع غزوان تقدر تشوف اقل نقاط تم قبولها للمفاضله لسنة 1437
طيب السنوات السابقه سنه 35 و36 كيف احصل على بيانتاها ؟؟؟؟

اعطيكم مثال يوضح طلبي
مثلا اقل نقاط تم قبولها لسنه 1437 لوظيفه مساعد اجتماعي هي 66 نقطه
وانا نقاطي مثلا الحين واصله 64 نقطه والسنه الجايه راح تزيد نقطيتين يعني توصل الى 67 نقطه
هل التقديم الجاااي يكون لي امل في القبول مثلا ولا المساله صعب حسابها

يعني تتوقعون كل سنه تزيد اقل نسبه نقاط تم قبولها
يعني السنه ذي اقل نقاط تم قبلوها مثلا ٦٦
تتوقعون السنه الجايه بتزيد وتوصل لرقم صعب
اكون صادق معاكم
انا خايف اني امشي ورااا السراب صراحتاً

اتوقع كل سنة تزيد 😣😣 انا ٦٤ نقطة اللحين وماني متفائل كثير بصراحة😥😥

شوف ياغالي

هذا كله يعتمد على الاحتياج ولاغير الاحتياج :D

مثلا انا تخصصي شريعه كان عام 36 وعام 37 التعيين يبدء من 69 نقطة

عام 38 اللي كان بشهر 7 التعيين ابتدأ من 71 ومافوق

كل شي جايز وهذا يحدده الاحتياج

وبخصوص سؤالك عن عام 36 وعام 38 تقدر تكتب بقوقل مثلا أسماء المرشحين للوظائف الادارية لعام 36 او 38 وتفتح الملف وتشوف تخصصك ويبان عندك

موفق خير

الحل الأمثل انك تجيب درجه عاليه في اختبار القدرة المعرفية وتريح نفسك

واذا معدلك عالي انصحك تقدم برضو ع المسابقات الوظيفية اللي من خارج الخدمة المدنية

اشكركم على التفاعل وجعله الله في موازين حسناتكم
مثل ماتفضل اخوي سلمان اتوقع الاحتياح ولا غير الاحتياج راح يحدد نقاط المفاضله

لكن الواحد يخاف كل سنه تزيد وتصعب عليه لكن الله يرزق الجميع

أخي العزيز ، كل فصل يتخرجون الألاف من الطلاب وينضمون للخدمة المدنية يعني المنافسه تزيد والامور تصعب
الله يوفقنا وياكم

عام 1436 كانت النقاط على تخصصي 69 و عام 1437 ارتفعت ل 70 و 1438 74. اذ المعدل فوق 4 واختبار تقيم في 80 وفوق التوظيف على طول ، اذ اقل من ذلك تنتظر أو تعيد الاختبار لان اخر مفاضله فيه متقدمين من عام 1425 وحولها ف نقاط الافضلية 20% انصح اي شخص معدله كويس واختبار التقيم سيئ انه يعيد الاختبار