السلام عليكم ورحمة الله وبركاته

اخواني الاعزاء اول شي ادعي من كل قلبي لكل عاطل بأن يرزقه الله بما يتمناه وأن يوفقكم لما يحبه ويرضاه ويجي اليوم الي نشوف فيه شباب هالبلد الطيب مافيهم عاطل او محتاج

شباب انا خريج فني وموظف فني لكن مشكلتي الوحيده اني ماني متقبل اني فني هالشي ماخش مزاجي اميل للاداره بشكل اكبر وانا الان موظف واداوم ومتندم اني درست فني واتحسر على مافات واقول ليتني دارس اداره

مع العلم الحمدلله الوظائف الفنيه الحين مطلوبه ورواتبها اكثر من الاداريه والجامعيه بكثير لتقدم المملكه على عصر من التقنيه كبير خاصه بعد التوقيع مع منظمة التجاريه العالميه وانشاء مدينة الملك عبدالله يحفظه الله

يعني المجال هذا كويس وانا مقتنع بهالشي والوظيفه ماعليها الحمدلله لكن مدري سبحان الله ماني متقبل ان هالشي ينطبق علي وعندما تكلف لي امور فنيه بتخصصي للعمل عليها احس ان نفسيتي قلبت واني بنقالي واقول انا وش الله بلاني وخلاني ادخل هالتخصص وبعض الايام والله ياشباب تراودني فكرة اني استقــيــل ولكن عندما اشوف غيري مو لاقي شي اقول احمد ربك واقضب ارضك.

انا حاليا سجلت في الجامعه العربيه انظمه اداري عشان احاول اخذها واجمع شهادتين لعل وعسى تفيدني بمستقبلي . ابي رايكم بهالخطوه بعد

عاد داخل على الله ثم عليكم تساعدوني وتشوفون لي حل تكفون ياهل الخير لاتحرموني من مشورتكم ودعائكم


والسلام خير الختام