الأن انا ومع ثنين من أصدقائ عددنا 3 اشخاص

اتفقت انا وصديقي ندفع راس المال وصديقنا الثالث عليه الجهد فقط
وراس المال 5000 الف ريال فقط والمشروع عباره عن محفظه اسهم هو يبيع ويشتري فيها

لما نجي نتقاسم الارباح هل نرجع راس المال أول شي الي هو 5000 ريال وبعدين نتقاسم الارباح ولا من اول ما تبي تجي ارباح نتقاسمها ؟؟؟ ابي افهم اذي عندكم خبره

حسب الاتفاق في الاول بمعنى
انا هدخل معاك بالمجهود وليا نسبه 50%
او 40% او30%
وهكذا وتوقعو عقود مع بعض لضمان كل واحد حقه

يعطيك العافيه لكن افهم السؤال الله يحفظك

انت متفقين تقاسم الارباخ
يعني الخمسه الاف تحطونها على جنب وهو ياخذ ارباحه

مثلا اذا دفعتوا 5000 وربحتوا 1000 صارت 6000 كيف تتقاسمونها كلها كذا انت وخويك خسرانين لانك دافعين كل واحد 2500

وبتاخذون اقل منها


الصحيح انكم تحطون 5000 على جنب وتتقاسمون الالف

وترجعون الخمسه الاف وتشتغلون فيهاا : )

تستخرج راس المال على جنب ( 5000 )

وتتقاسمون الأرباح حسب النسبة المتفق عليها لكل شريك

بالتوفيق يارب

أشوف إنكم ما توزعوا أرباح في البداية ..
إلى أن يتضاعف رأس المال على الأقل
من 5000 إلى أن يصير 10000

وبعد كذا الأرباح تحسب بالشكل التالي:
المجموع الكلي ناقص(-) 5000
ويقسم الناتج على 3

مثال:
المجموع الكلي بعد شهر
6500
توزيع الأرباح يكون كذا
6500 - 5000 = 1500
وبعدين تقسموا 1500 على 3

الناتج 500 ريال لكل شريك ..

وفي حالة عدم الربح:
يخسر صاحب المال جزء من ماله
وصاحب المجهود يخسر تعبه فقط وليس عليه دفع تعويض
إلاّ إذا كانت الخسارة بسبب إهماله وتقصيره

والله الموفق ..

اول شي لازم تعرف وش سوق الاسهم اللي راح يدخله عشان تعرف مقدار الربح اللي راح يجيك اذا هو السوق السعودي راح تكون الارباح قليله لان التداول بالهلللات وبالاتجاه الصاعد فقط
اما السوق الخارجي مثل البورصه او الفوركس او السوق الامريكي راح تكون الارباح عاليه والخطوره عاليه
والاهم من هذا كله يضمن لك استرداد المبلغ حال الخساره
وبالنسبه لتوزيع الربح اذا بتنسحب من الاسهم نهائيا يرجع لك راس المال مع الارباح
وذا بتستمر يعطيك الارباح من راس المال مثلا يعطيك 400 ريال ارباح خلال اسبوعين وهكذا
بالتوفيق

مافي شي يحكم، كله حسب اتفاقكم، ممكن تتفقون على اي طريقه تناسبكم لتوزيع الربح، ولكن غالب الشركاء يقسمون الارباح حتى قبل استرداد راس المال. يعني ربحتو 600 الشهر الاول خلاص تقتسمون ال600.
والله الله بالشركات الحلال

نصحيتي
5000 ريال مبلغ غير مناسب لسوق الأسهم
سوق الأسهم يحتاج مبالغ أكبر
الا اذا الرجل سيدخل المبلغ ضمن محفظة أكبر
ولديه خبرة في السوق فهذا كلام ثاني وفكرة مميزة
اما طريقة الحساب فكما ذكر بعض الاخوة توزيع ما يزيد عن رأس المال حسب اتفاقكم مع المشغل