السلام عليكم
عندي مشكله كان عندي قضيه بالشركه الي كنت شغال فيه قضيت رواتب والحمدلله كسبت القضيه واثناء ذالك اكتشفت انه فيه تلاعب بالتامينات وحقوقي الى اعطونيها ناقصه وليست كامله بدايت عقدي معهم سنة 2008 وانهو عقدي بداية سنة 2017 وشكوتي تضمنت التامينات انه تلعبو في وانا ماادري انهم سوالي استقاله يوم 1 \4 \2012 ورجعوني اليوم الثاني يوم 2\4\2012 وانا ليس لي علم فيها وانا اول عقد وقعته سنه 2008 وعقدي يتجدد سنويا وانا لم اوقع اي اوراق معهم رفعت شكوى جديده ومعاي برنت من البنك من شهر 1 الى شهر 7 من سنة 2012 جميع الرواتب يعني انا ماانقطعت من العمل الان يوم 18 \1\الشهر هاذا عندي الجلسه الرابعه وثلاث جلسات لم يحظر الخصم لان المحقق قالي في الجلسه الثانيه اذا ماحظر الخصم نكتب طلباتك ولما جات الجلسه الثالثه لم يحظر الخصم وكلمته انه يكتب طلباتي وقالي لما يحظر خصمك يصير نكتب طلباتك حقيقه طولت القضيه والخصم يماطل ويش الحل انا سمعت انك تقدر تبت بالقضيه
والله العظيم اني خلاص طفشت ابي انتهي
كلها بالهيئه الابتدائيه القضيه

الجلسات بتطول وبتاخذ وقت خلك مروق , ولا تشغل خصمك بالحضور ماعليك منه " لاتذكره يعني "..
احتمال آخر جلسه يكتب طلباتك , وما ينظر لخصمك اذا حضر بوقت ثاني لأنه تجاوز اكثر من جلسه ..
البت بالقضيه حسب النظام , اذا تخلف عن جلستين وهو عالم بموعدها , هنا يحق للمحكم البت فيها غيابياً ..
واذا كان المبلغ المطلوب اقل من 10 الاف فهنا يكون حكمه نهائي ولا ينظر للأستئناف ..
اكتب كل شي تشوفه من حقك ,,حتى اتعابك بحكم انه ماطل بالحضور بالجلسات ..
لكن السؤال / هل المحقق يعلم انك سبق وقدمت شكوى ماليه وكسبتها .؟ !
وهل افادوك انه يحق لك رفع شكوى ثاتيه غير الاولى المنتهيه .؟!

بهالنقطه / وانا ماادري انهم سوالي استقاله يوم 1 \4 \2012 ورجعوني اليوم الثاني يوم 2\4\2012
اذا الشركه تغير مسماها او انت ترقيت في عملك , فطبيعي بيتغير المسمى وتنضاف باليوم الجديد ..
يكتب سبب الابتعاد بالغالب " اخرى " وفي حالات يكتب استقاله اذا تغيرت ملكية الشركه لشركه اخرى ..
ياليت توضح لنا هالنقطه ايش قصدك فيها ويفيدونك الشباب هنا ..

تم تغيير مسمي الشركه لكن انا ماوقعت استقاله ولاوقعت اي ورقه حتى الانذار حق الغياب ماعمري وقعت انا كذا تضررت حتى بالحقوق حسبولي خدمتي من بعد الاستقاله لان المحقق قالي حسبوها لك من 2012 طيب حتى التامينات لما رجاعتهم قالى المدير نفسه انهم ضروني بالخدمه لأَنِّي كنت مستغرب ناس جو بعدي تقريبا ب 3 سنوات اخذو حقوق اعلى مني الموضوع هاذا مادريت عنه بعد إنهاء عقدي بالمادة 77 سنه 2017 رحت راجعت التامينات عشان أخذ ورقه أني عاطل عن العمل عشان أخذ تخفيض للجامعه ودريت عنها لان المحقق حسب خدمتى من 2008 الي 2017 وتقريبا فوق ربع المبلغ ناقص انا ماترقيت من اول ماتوظفت بالشركة من 2008 ولا زاد راتبي حتى ريال نفس الوظيفه

مدام القضية لسى انتظرها

وفي استئنافك للهيئة العليا اكتب السالفه وانه حسب منطوق للماده 18 من نظام العمل اطالب بحقوقي كامله من بداية التوظيف بتاريخ كذا وكذا بمقدار كذا