رد على قصيدة >> خذ بدلتي <<

عانيت بسكآت · #1 (**permalink**) 08-10-2017, 05:43 PM

من بدلتك وبريهتك شفت أنا الخير
من يوم في رقمك أنا وظفوني

يابن الوطن هاذا الوطن خدمته غـير
لاجله أنا حرمت نوم العيوني

حنا العيون الساهره دون تقصير
همت رجالاً ماتخيب ظنوني

بوقت الرخاء ولا بوقت المعاسير
جيشاً لايمن ثار هـز الركوني

أما حياة العــز بين الأساطير
ولا الشهاده بعد مايقتلوني

ويازين عقب الفجر صف الطوابير
تكميلنا جاهز ومتى يطلبوني

ماني علي أدني شيء أسوق المعاذير
وأرسل لهم وأقول لهم لاتحتروني

ولو كل من يعشق هوى البـر والطير
ينسي الوظيفة مابقى من يصوني

لـلـبر وقت وللقنص ألف تبرير
والله ماعن رغبتي يمنعوني

أما خذينها إجازه علي خير
ولا السماح الياطلبته عطـوني