ماهزك الشوق والا حـرك شعـورك
انا اشهد انه لعب في حسبة شعوري

ياخالي القلـب ياقسيـك وياجـورك
حكمتني بالهوى والحكـم جمهـوري

ماصابني منـك لاصدقـك ولا زورك
اجي معك بالجميل وتنشـب بـزوري

ان كان هالناس مستويـه بمنظـورك
انا انكسر من بعد فرقـاك منظـوري

لو هي على الكيف كان اجيك وازورك
واضم لون الورود وريحة الجـوري

دقيت بابـك قبـل ماينهـدم سـورك
وانهيت دورك قبـل ماينتهـي دوري

سفينتي لـو تتـوه بغبـة ابحـورك
باسفط اشراعهـا واشـب دافـوري

مانيب مغرور لكن صـرت مغـرورك
وانا ماهوب اي حاجه ترضي غروري

نورت ياصاحبي والنور مـن نـورك
آمَر لجلك واجي واسجـل حضـوري

واثرك تقلب علي وتضبـط امـورك
طلعتني بالغلا والحب مـن طـوري

مقدور ظلم الحبايب وانـت مقـدورك
ترمي بسهم العيون وموتهـا فـوري

عود على من هواك وصار مهجـورك
واشواق قلبه عليك تفـوح الغـوري

للحين انا ماسك اعصابي وباشـورك
شوري عليك انتبه لي واستمع شوري

والا علي الحرام ان اهـدم جسـورك
واعلمك ويش معنى حكم جمهـوري


وسلامتكم..