اولا السلام عليكم...
اخواني اخواتي ابي فزعه اي احد في مستشفى حكومي يخدمني بهالخدمه، سواء مستشفى مركزي مدني او مستشفى عسكري،،،
انا كنت عسكري وجاني ظرف وفصلت وقدمت على اعاده وربي يسر امري بكل شيء وطلعت لي مشكله بالدم، عندي التهاب الكبد الوبائي وتم رفضي من العمل مع ان في ناس عندهم الحصبه والجدري والا الان على راس العمل،، ماهو بحسد - ربي يوفقهم،،، المهم بعد مراجعات بالعسكريه طلع لي واحد ولد حلال في مكتب التجنيد وقال بخدمك خدمه لوجه الله، جيب لي تقرير طبي من مستشفى حكومي مدني او عسكري غير المستشفى حقنا اهم شي حكومي يكتب فيه انك تشافيت من المرض وترجع لدوامك على طول، تكفون فزعتكم ترى حالي ما يسر

بالتوووفيق والله يفرررررج لك عاجل غير اجل

آمين ربي يجزاك بالخير

الله يشفيك . لكن ليش تفصل من الاول

وعليكم السلام

ف البداية الله يشفي لك واجر وعافية ان شاء الله

ثانياً وانا اخوك التقرير الطبي لازم يكون من واقع ملفك الصحي أو بنفس المنطقة على الاقل

والفحص العسكري اعتقد مايقبلون اي تقرير من جهه خارجيه , حتى لو عطيتهم تقرير , بيحولونك للفحص بمستشفياتهم مثلاً الامن العام يوجهونك لمستشفى قوى الامن , الحرس الوطني لمستشفى الحرس .. وهكذا



كان ودي اخدمك والله , لكن مااقول الا الله يوفقك ويشفيك يارب

ثق بالله وحاول تعالج نفسك وارجع قدم على وظيفك او وظيفه غيرها

الله يشفيك ويعافيك لكن المرض الي انت فيه معدي وممكن تنقله لكثير من الأشخاص هذا لايعني انك تكون فوق الكل في ابتلاء الله لك حكمة يجب عليك ترك الانانية وإيجاد حل لعلاجك