السلام عليكم
كماتعلمون المعاش لايكفي ممكن 5 او 10 ايام وينتهي المعاش ويبقى المستفيد بصفه عامه سواء رجل او امرأه بقيه الشهرفي حالة احتياج بقيه الشهر فلماذا لانفكربأعمال قد يجريها الشخص من منزله او حتى بواسطه سيارته وتدر عليه ارباح لابأس بها
مثال
هناك شواحن جوالات اعرف اناس يقومون بشرائها من محافظه جده رخيصه جدا وهي جيده وفي مدنهم يوزعونها على المحلات التجاريه او على الافراد وتدر عليهم ارباحا كبيره فقط اول زياره وبعدها من الممكن التاجر ان يبعث الشحنه لك بواسطه البريد وكذلك تسويقها عبروسائل التواصل الاجتماعي
فهل احظى ان تضعوا مرئياتكم هنا حتى يستفيد منها كل مرتادي هذا القسم من المستفيدين
مع الشكر والتقدير لكم

ملاحظه بعد الانتهاء من مرئياتكم بأذن الله سنذكر الملخص لتجاربكم بأخر صفحه وحتى يستفيد منها جميع المستفيدين اذا رغبوا في خوض تلك التجارب
ربي يسعدكم جميعا
موضوع مماثل وتابع لهذا الموضوع
https://www.btalah.com/t760286.html

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

الاجابه الأولى من قلم الحقيقه
وهذه مشاركته ويشكر عليها
هذا هو الكلام الصحيح بارك الله فيك ،،،، لابد ان يكون الشخص لديه مورد اخر
مثال للأخوان صل الفجر حاضر في حلقة الخضار وبعد انتها الصلاه يقام الحراج خلي معك مبلغ الفين ريال دائمآ
وشوف لك بضاعه على قدك بنفس المبلغ وعندما يرسو عليك الحراج في تلك البضاعه سوف تتوزع في لحظه من قبل اصحاب البقالات والمحلات الصغيره بمعني 10 دقائق وربحك لايقل عن 500 ريال وكل مازاد مبلغك زاد ربحك .. نفس الطريقه الأخوات ممكن تشوف اخوها او قريبها شخص مؤتمن يدير لها تلك التجاره لافيها فتح محل ولافيها مشاكل ولا بلديه ووجع راس بس يرسوا عليك المزاد على ارض الحراج 10 دقائق ونت موزعها والساعه 7 ونت ببيتك نايم وفي جيبك الربح وراس المال
محدثكم ماشي على نفس الموال ولله الحمد التجاره اوصانا بها خير البريه عليه افضل الصلاة واتم التسليم حيث قال تسعة اعشار الرزق في التجاره .. بارك الله لنا ولكم جميعآ

وش السالفه مافهمت شي

السلام عليكم

جزاك الله خير اخوي محمد

نعم معاش الضمان لا يكفي

بالنسبة لي اشتري نقابات بالجملة وابيعها

اول مرة اشتريت ب 150 ريال ماشاء الله تبارك الله حصلت ربح حلو وشتريت مرة ثانية ب 300 وبالمواسم اشتري ب 500 هذا راس المال والحمدلله دخل يسد الحاجة ويساعد مع معاش الضمان

صح انها شغله متعبه شوي بس رزقها يعين ويعاون

والحمدلله على كل حال

والله يرزق الجميع ويعين كل محتاج

ينفع للعايشين في القرى وبعض المدن مثل هالافكار لكن مثلا في مدينة زي جدة كل شيء متوفر بالمحلات من الرخيص للغالي احس صعب تبتكر مشروع

فكره حلوه مره
عن نفسي اشوف فئة الرجال يشتغلو بتوصيل الموظفات والطالبات
لاني شفت هالشي بعيني اولاً الناس يوقفون السواقين عشان يسالونه تاخذ طالبات والا موظفات زياده ؟
وللمعلوميه اجججانب السواقين والله احياناً يبالغون ب الاسعار لانهم يعرفون اننا بحاجة سواقين ب الشهر
واللي يقول سيارتي ماتساعد ! انا عندي استعداد اني اصور سيارة السواق اللي يوصلني وتحكمون بنفسكم مصدمه من كل مكان وفيها صوت ومع ذلك ياخذ 34 طالبه وموظفه ب مختلف الاوقات
نصيحتي تشتغلون هالشغله مممره حلوه وتدخل فلوس بشكل كبير مره
وعندي استعداد اساعد الشباب اللي يبون يوصلون
واوزع ارقامهم عندي بالاكاديميه وهذا الكلام لشباب الرياض
والله يكتب للجميع اللي فيه الخير

شكرا لمن شارك ولازال الأمل بمشاركه المزيد وحتى يستفيد الناس من الأفكار المطروحه

اين انتم ياقوم

للي بيبي يشتري عربة صغيرة مثل الفود ترد بس تجي اصغر و يبيع اي سلعة في اماكن عامه

او اكسسوارات جوالات بالانستغرام عندنا بالقرية فيه واحد شاري نطيطة وحاطها ماشالله عليه بالحديقة وياخذ 5 ريال تقريبا من كل طفل وواحد مسوي زي قطار صغير للاطفال

انا ظروفي ماتسمح الحمد لله على كل حال


الله يفرجها

موضوع جميل من مشرفنا الفاضل الله يعطيه العافيه وكل ماطرح وقيل هنا جميل ولكن المشكله ببعض المشاريع حتى لو كانت صغيره من تطلع رخصه يحذف اسمك من الضمان مع انك كنت مأمل على المعاش انه يساعدك

لكن المشاريع اللي من البيت من دون رخص ممكن تمشي وراها ربح جيد مثال
الطبخ للمعلمات بالمدارس فطور يومي او على حسب مايطلبون ولا عمل قهوة لهم وللموظفين والموظفات وتوصيله بشكل يومي اخبر وحده معلنه انها تعمل قهوة للمدارس.
وبعد الاعمال اليدويه ممكن بالبيت التوزيعات وربحها كبير وانا نفسي من كم سنه كنت اشتغل فيها وهي مناسباتها طول السنه
مواليد..زواجات..نجاح..اعياد..
وشغل صواني التقديم الشعبيه والاحظ فيه ناس يرغبونها .
التسويق للتجار والتاجرات والشركات بوسائل التواصل لكن هذي يبي لها صبر .

المشاركة بالبازارات .

__________________
"لله دُر أمي إذا ابتسمت
تهادت جروح قلبي والتئمت"

انا عن نفسي اخذت نطنيطه اشتغل فيها ع منتزه وحاولت اطلع تصريح من البلديه قالو مافيه وسحبوها البلديه وانا اشتغل عليها لان ضروف زوجي صعبه وعندي اطفال اصرف عليهم واخذت دورة تجميل عشان افتح صالوون بس ماحصلت دعم والفرج ع الله