04-11-2008, 02:28 AM
|
 |
|
|
تاريخ التسجيل: Jul 2007
المشاركات: 16,480
معدل تقييم المستوى: 5968195
|
|
|
عـز الله اخـطا من مسميك رجّـال
جانيـ يعايرنـي بقولـه: \" فقيـره \"
قلت: الفقر ماهوب فـي قلـة المـال ..!
الفقر هو نقـص العقـل والستيـره
واما بغيرة نستـر الحـال ..
قال: وعلى فقـرك وكنـك اميـره
تحكي بعز وتمشـي بفخـر تختـال
قلت: ايه وازيدك من البيـت غيـره
الله عطاني مـن عطايـاه مكيـاااال
وش هو له امشي في حياتي كسيـره
مادامني من خير ربـي انـا اكتـال
مـادام مايسجـد جبينـي لغـيـره
أللي خلق ارض وسمـوات وجبـال
اللي حباني نـور عيـن وبصيـره
أميز يمين الخطـاوي مـن شمـال
مانـي قليلـة فهـم مثلـك غريـره
أمشي عدل واميـل للوقـت لامـال
ماغرني صوف الزمـان وحريـره
ومهما يضيق الوقت فيّه أبا احتـال
وكانك تعايرنـي بقولـة \" فقيـره \"
بقول شي(ن)صعب اشـوي ينقـال
صحيـح املاكـك عددهـا كثيـره
صحيح تلبس غتره وثوب وعقال
بقول لك كلمة ولـو هـي كبيـره:
\" عز الله اخطا من مسميك رجّال \" !!!
منقوله .... ان شاء الله تعجبكم وتناال استحسااانكم
التعديل الأخير تم بواسطة Mo chuisle ; 04-11-2008 الساعة 02:31 AM
|
العرض الشجري
