السلام عليكم ورحمة الله وبركاته

أنا يوم الاحد قدمت على ساند في موقع التأمينات وجات رسالة في الموقع

تم قبولك مبدئيا وسوف تصلك رسالة في حال الانتهاء من الاجراءات

وانتهى عقدي في الشركة يوم 2017/9/16 ونزل اسمي من التأمينات يوم 3 اكتوبر

وفي اثنين من الشباب قدمو قبلي بأسبوع أو أسبوعين تقريبا

ويوم الخميس نزل لهم 2000 ريال في الحساب

ساند كيف حسبها من فترة انتهاء العقد ولا من فترة التقديم ؟؟؟

لانه لو من فترة التقديم اقل من شهر واذا من فترة انتهاء العقد لنا شهر وعليها

اللي عنده معلومة أكيده يفيدنا وشكرا للجميع ...

يا هووو ايش الهرجه ولا رد معقوله مافي احد يعرف ؟؟؟

اللي اعرفه نص الراتب .. ادخل على موقع التأمينات واقرا عن ساند مكتوب لك وش لك وش عليك
لكن السؤال الشركة وش حاطين لكم السبب بالتأمينات استقاله ؟

شوف يا طويل العمر مالك بالطويلة .. خذ العلم الأكيد واللي ما عليه خلاف

أولاً الشرط اللي ضروري تركّز عليه هو :
يجب أن يكون أسباب الإبعاد عن الوظيفة " سبب يعود لهم "
يعني مو تقدم استقالة وتروح تقول ابغى ساند! ما يقبلوك
يعني ضروري يكون انتهاء عقد او تسريح موظفين او اعادة هيكلة الشركة
يعني المهم هم السبب مو انت .

ثانيًا المؤكّد ان الراتب ينزلك في نفس الشهر اللي تقدم فيه .. فترة التحقق أيام معدودة ما يتأخر
لو الشروط منطبقة عليك .. والأهم ان مدد الاجور عندك اكثر من 12 شهر في المرة الاولى
وفي فترات الاستحقاقات الأخرى يكون 18 شهر ( تبدأها من جديد ) والمدة تزيد كل مرة

بالتوفيق

انا قدمت بيوم 27/9/2017 ووصلتني رسالة
تأكد من وسيلة الاتصال صحيحه او لا

علمي علمك
كملت شهر هجري وباقي 6 ايام واكمل شهر ميلادي
ومانزل شي


جرب تراسلهم على saned@gosi.gov.sa

يفضل تتصلون عليهم وتشوفون السبب ..