السلام عليكم

انا عندي فكرة لتطبيق يكون خاص بي يعني يخلي الواحد يطلب مني تصميم فقط تصاميم

على ان يكون فيه نماذج لتصاميمي مع الاسعار

كم يكلف التطبيق؟ وهل ترون الفكرة مكلفة مقابل عواءدها التطبيق يكلف كم؟

والتطبيق ينزل على الاب ستور او قوقل بلاي -مدري ايش الافضل- ؟

الاعلان عندي حساب اعلن فيه وحاطة فيه بالي -مناسب جدا للتطبيق- حساب تقني مشهور

التطبيق فكرته ممتازة
ماشاء الله اتوقع يكلفك 3000 ريال
ابحث عن مبرمجين سعوديين ويكون محترف
الله يوفقك

وعليكم السلام ..

ماادري وش التصاميم اللي تقصدها هل هي بنرات وفوتوشوب وكذا ولا تصاميم ثانية ..

المهم اذا كانت لتصاميم فوتوشوب بإعتقادي راح يكلفك التطبيق اكثر من ايرادات التصاميم بكثييييير

وبخصوص التطبيق وقيمتة على حسب نوع وجودة البرمجة

مثال

تطبيق يعرض عينات ثابته والتواصل معك والطلبات عن طريق الايميل .. هذا يكلفك من 1500 الى 2000

وتطبيق متطور تتحكم فيه وتضيف اللي تبي عن طريق لوحة تحكم خاصة وموقع على الانترنت ودعم عملاء ومميزات اخرى يكلفك من 3000 الى 6000 ممكن اكثر وممكن اقل على حسب المبرمجين ,

اتمنى اكون افدتك واتمنى لك التوفيق

اشوف انك تعرض خدماتك في المواقع المشهوره والمنتديات اسهل من انك تسوي تطبيق وتخسر وقت وفلوس وبعدين تسوق التطبيق و تعلن عنه الين الناس تتعرف عليه وتضيع وقت وفلوس مره ثانيه ويمكن تنجح ويمكن لا
لكن فيه مواقع كثيره قامت بالدور هذا, الي عليك تعرض خدماتك والناس تطلب
مثل موقع خمسات والمنتديات المختصه والمشهوره في البيع والشراء وغيره
لو شفت فيه اقبال وجماهير ونجحت ممكن بعدين تطور نفسك وتسوي تطبيق وتفتح محل وموقع وغيره
لكن ابدا باقل تكلفه وجرب السوق

شكرا جميعا ع المرور

اضم صوتي لاخي عبدالله الزهراني
فعلاً لا تستعجلين بالتطبيق ودفع المبالغ والخسائر وانتي لا تعلمين، التطبيق تجميل ولكن بعد ان تشتهرين ويكون لك زبائنك، بعدها انطلقي وهذا يكون من باب التطوير في العمل والانتشار، حالياً مثل ما قال اخي عبدالله عليك بالتسويق في المواقع المشهورة والاعلانات، وتوجهي لقطاع المدارس وربي يوفقك ويييسر امرك