السلام عليكم
انا اشتغل بنادي رياضي دوامي من 2 الى 10 المهم امس صارت مشكله في النادي اخر الوقت ولله الحمد كان معي رسبشن ثانيه جلست الى الوقت الى 10 لان بالعاده الساعه الاخيره اكون لحالي المهم المشكله ان في حرمه انقفل الاصنصير عليها وطولت وهي فيه اتصلت البنت او الحارس على الدفاع المدني وطلبو الاسعاف طولو الدفاع المدني وهم يحاولون يفتحون الاصنصير ودخلو فجاه اللي يركضون معين نروح للسطح ؟؟ المهم يوم صار وقت البصمه ابوي تحت وينتظر اطلع عشان ياخذني ونجيب اهلي من المستشفى طلعت وانا متوتره وخايفه طلعت لان مابيدي اسوي ولاشي
وش بسوي انا في حارس وفي دفاع مدني وفي الرسبشن الثانيه ومدربه
ماييدي اسوي شي ابد طلعت شسوي يعني
جت الاداريه اليوم هي ماكانت فيه امس كانت صباحي قالت كيف تشيلين نفسك وتطلعين ؟ وهالمصيبه صايره قلت اول شي فكرت فيه ان مابيدي شي اسويه ثاني شي ابوي ينتظر ويبي ناخذ اهلي من المستشفى تقولي دايم زوجي ينتظر تقول انتي طيب مو شغاله في المكان ماتحسين بالانتماء للمكان ؟ قلت الا والله بس مابيدي شي قالت كم مره اشوفك تبصمين وقت الخروج وتطلعين قلت كلهم يبصمون ويطلعون قالت بس انتي اخر وحده
شوي رجعت لها قلت مايصير الساعه الاخيره لحالي تخيلو ايام اصير لحالي طول الشفت واحيانا الساعه الاخيره بس ولافي اداره ولامحاسبه ولااي احد مسؤول او له سلطه
كلمت المديره قالت بخلي الرسبشن الثانيه ترجع ساعاتها من 2 الى 10 ولايهمك عاد اتحدى ان كلمتها
حتى المدربه والرسبشن الللي قعدت امس وقت المشكله مااستفادو شي الا قالو لهم المشتركات انتم وناديكم الفاشل يابنات الكلللب
ماتعرفون شركه الاصنصير لدرجه اليوم المدربه بس تصيح وجابو مشتركتين للاداره عشان تطاولو على المدربه
وتقولي الاداريه ليه تطلعين طيب هذا المدربه وش استفادت ؟ قالو لها يابنت الكلب وهاوشوها وصيحوها
حتى العامله حقت النظافه سولفت معي وقلت لها يعني حنا ماعندنا ظروف ثانيه ؟ قالت هه شفتي يعني لو ماطلبت الدفاع المدني هي او الحارس انا ماراح اعرف اتصرف لو اني لحالي
ويقولون طلعنا 11 الاربع
كل مره يتمادون معي ويستغلون طيبتي
واشياء كثيره تقهرني مايحتاج اذكرها

امشي على العقد أما الكلام الشفهي مالهم اي حق

غير كذا فيه مكتب العمل لو احد تطاول عليك

المشكله الوظيفه لاعقد ولاتامينات وانا بكمل 6 شهور

اذا مافيها امان وظيفي وش يحدك عليها وانا اخوك يعني بكرة يقدرون يقولون مع السلامة ومافي شي يمنعهم دام مافي عقد
اتركيهم بس وربي بيرزقك بافضل منها

وزارة العمل تلزم جميع الشركات والمؤسسات بإبرام عقد عمل مع موظفيها، والعقد شريعة المتعاقدين، فإذا لم يكن هناك عقد فليس هناك حقوق أو مزايا عمالية، فإذا كانت هذه الوظيفة بالنسبة لك مؤقتة فقط فعليك أن تسايري طبيعة عملك، وإذا كانت وظيفة أساسية فعليك تقديم شكوى بوزارة العمل ضد هذا التجاوز، حيث أن وزارة العمل أول ما تنظر إليه هو عقد العمل المبرم بين الموظف والمنشأة، كذلك إذا لم يتم تسجيلك في نظام التأمينات الإجتماعية ينبغي عليك تقديم شكوى لدى المؤسسة العامة للتأمينات الإجتماعية.

أما بالنسبة لإجراءك الذي قمتي به في المشكلة التي حصلت أثناء عملك فكان الأولى أن تبلغي رئيستك المباشرة هاتفياً وهو الإجراء المتبع دائماً في حالات السلامة، وبالتالي الإتصال بوالدك لإبلاغه.

سياسة تطفيش
ولا تمشين الا بعقد